محلي منبعلر بلخ ولایتیده طالبلرنینگ امر به معروف و نهي از منکر ادارهسی اېرکک سرتراشلرگه مشتریلرنینگ سقالینی قیریشنی تۉختهتیش حقیده آگاهلنتیریش بېرگنینی اَیتماقده.
منبعلرگه کۉره، طالبان نینگ اوشبو ادارهسی بوگون (سهشنبه، ۹ جدی) بۉلیب اۉتگن ییغیلیشده اېرکک سرتراشلرگه مراجعت قیلیب، بوندن کېین مشتریلرنینگ سقالینی قیرسهلر،۱۵ آی قماق جزاسی بېریلیشینی بیلدیرگن.
بیر نېچه اېرکک سرتراش اطلاعات روزگه ایتیشیچه، طالبان نینگ امر به معروف مسووللری اولرنی آگاهلنتیریب، اگر سقال قیریش پیتیده قۉلگه توشسهلر، تۉغریدن-تۉغری عدلیه و محکمه اۉرگانلریگه تاپشیریلیب، قماققه آلینیشی ایتیلگن.
اولر نینگ قۉشیمچه قیلیشیچه، مسووللر سرتراشلرگه اېرککلرنینگ ساچینی «غربانه اسلوبده» آلیش هم تعقیقلنگنینی هم بیلدیرگن.
طالبان اۉزی نینگ امر به معروف و نهي از منکر تۉغریسیدهگی قانونیده اېرککلرنینگ سقالینی قیریشنی منع اېتگن.
مذکور قانون تصدیقلنگنیدن سۉنگ، طالبان مملکت نینگ تورلی شهرلریده کۉپلب یاش اېرککلرنی سقالینی قیرگن یاکه قیسقرتیرگنی اوچون بیر نېچه بار حبسگه آلگن.
شونینگدېک، طالبان بیر نېچه بار سرتراشلرنی مشترلرنینگ سقالینی قیرگنی یاکه «غربانه ساچ تورمهگی» قیلگنی عیبی بیلن حبسگه آلیب، اولر نینگ فعالیتینی بیر نېچه کونگه تۉختهتیب قۉیگن.
