بیرلشگن ملتلر تشکیلاتینینگ انسان حقوقلری بۉییچه مخصوص گزارشگری ریچارد بنت ایراننینگ تهران شهریده افغانستاننینگ سابق حربیلری جنرال اکرامالدین سریع و محمد امین الماس سوءِقصدی بۉییچه مستقل تېرگاو اۉتکزیلیشینی طلب قیلدی.
بنت بوگون (دوشنبه،۸جدی) ایکس اجتماعی ترماغیده نشر قیلگن بیر پیامده، اوشبو سوءِقصدلر بۉییچه چوقور خواطرینی بیلدیریب اۉتدی.
بیرلشگن ملتلر تشکیلاتینینگ انسان حقوقلری بۉییچه مخصوص گزارشگری شونینگدېک، اوشبو سوءِقصدلرنینگ عملگه آشیرووچیلری انیقلنیب، عدالت آلدیده جواب بېریشی کېرهکلیگینی قۉشیمچه قیلگن.
تخار سابق پولیس قوماندانی جنرال اکرام الدین سریع و محمدامین الماس بیلن بیرگه، اۉتگن چهارشنبه کونی تهران شهریدهگی ولی عصر میدانیده اۉق آستیگه آلینیب، هلاک بۉلگن.
ایران تشقی ایشلر وزیرلیگی سۉزلاوچیسی اسماعیل بقایی بوگون مطبوعات انجمنیده اوشبو ایکّی نفر سابق افغانستان حربیسی سوءِقصد بۉییچه تېکشیروولر دوام اېتماقده دېدی.
افغانستاننینگ طالبلرگه قرشی سیاسي جریانلری بو سوءِقصدلر طالبان تامانیدن عملگه آشیریلگنینی ادعا قیلیب و ایران بو مسألهنی جدّي تېکشیریشی لازملیگینی تاکیدلهگنلر.
