منبعلرنینگ ایتیشیچه، جهان آزیق- آوقت دستوری کاپیسا ولایتیدهگی آزیقهلنتیریش بۉلیمی خادملرینی مبلغ یېتیشمسلیگی سبب ایشدن بۉشهتگن.
خادملردن بیری اطلاعات روزگه یۉلهگن پیامیده۴۱ نفر عیال ساغلیقنی سقلش خادیمی ایشسیز قالهیاتگنینی ایتگن. او شوندهی دېگن: «همهلرینی ایشدن چیقردی. مبلغ یۉقلیگینی ایتدی»
منبعگه کۉره، آزیقلنتیریش بۉلیمی خادملرینینگ ایشسیز قالیشی بالهلر و آنهلر آرهسیده تۉییب آوقتلنمسلیک حالتلری آرتیب بارهیاتگن بیر پیتده یوز بېرماقده.
بیرلشگن ملتلر تشکیلاتیگه قرهشلی یاردم تشکیلاتلری جاري ییلده بیر نېچه بار یاردم مبلغلرینینگ قیسقرهیاتگنی بارهسیده خواطر بیلدیرگن.
بیرلشگن ملتلر تشکیلاتی تامانیدن اعلان قیلینگن آزیق- آوقت خوفسیزلیگی انتیگراسیونلشگن فاز تصنیفی (آیپیسی) نینگ اېنگ سۉنگی گزارشیده کېلهیاتگن قیشده۱۷.۴میلیون کیشی آغیر آزیق-طعام خوفسیزلیگی معماسیگه دوچ کېلیشی بیلدیریلگن.
جهان آزیق-آوقت دستورینینگ ایتیشیچه، افغانستانده آزیق-آوقت خوفسیزلیگی و تۉییب آوقتلنمسلیک معماسی تشویشلی سرعتلرده کوچهییب بارماقده.
تشکلات نینگ بالهلر جمغرمهسی(یونیسف) نینگ معلوم قیلیشیچه، افغانستانده اۉتکیر تۉییب آوقتلنمسلیککه چهلینگن بالهلر سانی۳.۷ میلیون نفرگه یېتگن.
یونیسف۱.۳میلیون نفر آغیر درجهدهگی آزغینلیک و خوفلی اۉرتهچه درجهدهگی تۉییب آوقتلنمسلیککه دچار بۉلگن بالهلرگه دوالش خدمتلری کۉرستماقچی اېکنینی، بیراق مبلغ یېتیشماوچیلیگی بیلن یوزلشهیاتگنینی بیلدیرگن.
