طالبان تشقی ایشلر وزیرلیگی اسراییل تامانیدن سومالیلندنی مستقل دولت صفتیده تن آلیش قرارینی قارهلهدی.
وزیرلیک بوگون (یکشنبه، ۷ جدی) بیلدیرگن اظهاراتیده اوشبو قرار اسلامي بیر دولتنی بۉلینیشگه اورینیش صفتیده قرهلیشینی و خلقارا حقوق همده سومالیا اسلامي دولتینینگ و یېر یخلیتلیگینی آچیق-آیدین بوزیش اېکنلیگینی تأکیدلهدی.
طالبان تشقی ایشلر وزیرلیگی بو قرار عموماً قانونيلیک و حقوقي اساسگه اېگه اېمسلیگینی، شونینگدېک، منطقهده تینچلیک و برقرارلیک اوچون سلبي عاقبتلرگه آلیب کېلیشینی بیلدیردی.
اسراییل باش وزیری بنیامین نتانیاهو جمعه کونی سومالیلندنی مستقل دولت صفتیده تن آلیشینی اعلان قیلگن. او سومالیلندنی تن آلیشنی «ابراهیم بیتیمی جریانی بیلن اویغون» دېب اتهدی و باشقه دولتلرنی هم شوندهی قدم تشلشگه چقیردی.
بو قرار سومالیا و افریقا اتفاقی تامانیدن کېسکین ناراضیلیک بیلن قرشی آلیندی. سومالیا اونی حاکمیتیگه قرشی «مقصدلی هجوم» دېب اتهگن، افریقا اتفاقی اېسه بوتون افریقاده تینچلیک و برقرارلیک اوچون خوفلی حرکت صفتیده بهالهگن.
سومالیلندنی سومالیا شِمالیده جایلشگن حدود بۉلیب،۱۹۹۱ییلده مستقللیگینی اعلان قیلگن و اۉنلب ییللر دوامیده گلابل میدانده تن آلیشگه حرکت قیلماقده. عبدالرحمن محمد عبداللهی اېسه اۉتگن ییل باشلب سومالیلندنی باشقرووینی قۉلگه آلگن.
