ایریم منبعلر بغلان ولایتینینگ نهرین تومنیدهگی واترچی قیشلاغیده طالبان کوچلرینینگ کتّه مقدارده جایلشگنینی خبر قیلماقده و کېچهسی یریم توندن بېری منطقه حربي حالتگه توشگنینی ایتیشماقده.
منبعلرگه کۉره، کېچه کېچقورون بو منطقهده طالبان و «افغانستان ملي قرشیلیک جبههسی» اعضالری اۉرتهسیده قوراللی تۉقنهشوو بۉلگن.
اوشبو منبعنینگ ایتیشیچه، طالباننینگ تیک اوچرلری بوگون، (پنجشنبه، ۴-جدی) منطقهنی نظارت قیلماقده و «ملي قرشیلیک جبههسی» اعضالرینی ایزلهماقده.
منبع خبریگه کۉره، قیشلاق اهالیسی قۉرققنیدن اویلریدن چیقالمهیپتی.
باشقه بیر منبعنینگ قۉشیمچه قیلیب ایتیشیچه، کېچه کېچقورون طالبان «ملي قرشیلیک جبهه» اعضالریگه قرشی هجوم قیلگن و قتّيق تۉقنهشوو یوز بېرگن.
قرشیلیک جبههسی اعضالری منطقهدن آرقهگه چېکینگن و طالبان اېسه اهالیگه قیینچیلیک و عذاب بېرهیاتگنی ایتیلهدی.
بغلانده محلي طالبان رسمیلری حاضرچه بو مسأله بۉییچه هېچ قندهی بیانات بېرمهگن.
طالبان افغانستاندهگی حربي قرشیلیک حرکتلرینی رد اېتهدی، اما بعضی ولایتلر، جملهدن بغلانده، قرشیلیک جبههسینینگ هجوملری و حرکتلری حقیده کۉپ مرته خبرلر بېریلگن.
