«افغانستان آزادلیک جبههسی» حربی کوچلرینینگ طالبلر مینیلگن رنجر موترگه قرشی اویوشتیرگن هجوم نتیجهسیده طالبلر گروهینینگ اوچ عضو اۉلدیریلگن و باشقه بیر اعضاسی اېسه تن جراحتی آلگنینی معلوم قیلدی.
اوشبو جبههنینگ بیر اعلامیه نشر قیلیب ایتیشیچه، مذکور هجوم تیناوون کېچه (سهشنبه ۲ جدی) ساعت ۸:۰۰ده کابلشهری نینگ تۉرتینچی حوزهسیده جایلشگن «تهیه مسکن« منطقهسیدهگی «آریانا تانک تیلی« ساحهسیده اویوشتیریلگن.
«افغانستان آزادلیک جبههسی« بو هجوم بارهسیده کوپراق تفصیلات بېرمهگن.
شونینگدیک مذکور جبهه حربی کوچلریگه احتمالی یېتگن تلفات بارهسیده هم بیرار نرسه دیمهگن.
«افغانستان آزادلیک جبههسی» بوندن آلدین هم کابلده بیر نیچه مرته طالبلرگه قرشی هجوم اویوشتیرگنلیکلرینی خبر بېرگن اېدی.
طالبلر اۉزلریگه مخالف بۉلگن جبههلر هجوملرینی تصدیقلمهیدی و کۉپینچه بوندهی موردلرده سکوت سقلهیدی.
