پاکستان رسميلرینینگ معلوم قیلیب ایتیشیچه، خیبرپختونخواده قوراللی شخصلر پولیس موتریگه اۉق اوزیشی نتیجهسیده بېش نفر پولیس خادمی هلاک بۉلگن.
اکسپرس تریبونې خبریگه کۉره، هجوم کرک منطقهسیده صادر بۉلگن و هجومچیلر پولیس موترینی یاقیب یوبارگن.
کرک منطقهسی پولیس خادمی سعودنینگ ایتیشیچه: «بیز اوشبو حادثهنی برچه جهتلرینی اۉرگنماقدهمیز و هجومچیلرنی انیقلش بۉییچه ایشلر دوام اېتماقده.»
پاکستان باش وزیری شهباز شریف اوشبو هجومنی قتّيق قارهلهدی. او شوندهی دېدی: «پولیس دایما تروریزمگه قرشی کورهشده آلدینگی چیزیق وظیفهسینی بجرگن.»
خیبرپختونخوا باش وزیری سهیل آفریدی هم اوشبو هجومنی قارهلهدی. آفریدی شوندهی دېدی: «پولیس خادملرینینگ فداییلیگی نتیجهسیز قالمهیدی. ایالت حکومتی پولیس بیلن بیرگه تورهدی.»
بو هجوم خیبر پختونخوادهگی پولیسنی نشانگه آلگن هجوملر زنجیرینینگ سۉنگگیسی حسابلنهدی.
اۉتگن هفته، لکی مرواتده بیر پولیس خادمی و اونینگ اکهسی اۉق اوزیلیشی نتیجهسیده هلاک بۉلگن.
شو آی باشیده، مذکور منطقهده پولیس موتریگه قرشی اویوشتیریلگن اۉزینی اۉلدیریش بیلن باغلیق پارتلشده بیر پولیس خادمی هلاک بۉلگن و بېش کیشی یرهلنگن.
نوامبر آییده، هنگو منطقهسیدهگی نظارت پستهسیگه قیلینهیاتگن هجومگه جواب بېرهیاتگن اوچ پولیس خادمی هلاک بۉلگن اېدی.
پاکستان رسميلرینینگ ایتیشیچه، طالباننینگ حاکمیتگه قَیتیشیدن کېین افغانستان چېگرهسی بۉیلب بېقرارلیک آشگن.
پاکستان تشقی ایشلر وزیرلیگی ۱۹- دسامبرده، خیبر پختونخوا، شمالي وزیرستانده تۉرت عسکر هلاک بۉلگن ترور هجومیدن سۉنگ، طالبان اېلچیسی اۉرینباسر چقیرگن.
