منبعلرگه کۉره، ایراندن چیقریب یوباریلگن سابق اوردو اعضاسی اسلام قلعه چېگرهسیده طالبلر استخباراتی تامانیدن حبسگه آلینگن.
بیر منبعنینگ اطلاعات روزگه یوبارگن پیامیده اوشبو سابق حربي نینگ اسمی شیریندل شیدا اېکنینی، او پنجشیر ولایتی دره اولسواللیگینینگ دره عبدالله خیل منطقهسیدهگی محمد بېک قیشلاغی یشاووچیسی بۉلگن.
منبعگه کۉره، شیدا اۉتگن هفته سهشنبه کونی (۲۶ قوس) اسلام قلعه چېگرهسیده طالبان استخباراتی تامانیدن قۉلگه آلینگن.
منبع شونینگدېک، اوشبو سابق حربي بیر ییلدن آرتیق وقت دوامیده ایرانده یشهگنینی و یشش حجتلریگه اېگه بۉلگنینی، شونگه قرهمهی افغانستانگه مجبوری قَیتریب یوباریلگنینی بیلدیرگن.
طالبان ایلگری هم بیر نېچه بار ایراندن قَیتگن سابق حربيلرنی اۉلدیرگن. قۉشنی دولتلردن چیقریب یوباریلگن سابق حربيلرنینگ اۉلدیریلگنی حقیده هم علیحده حالتلر قید اېتیلگن.
سابق حربيلرنینگ حبسگه آلینیشی و اۉلدیریلیشی طالبان رهبری نینگ عمومي عفو فرمانیگه رعایه قیلینهیاتگنی حقیدهگی دعوالریگه قرهمهی دوام اېتماقده.
بیرلشگن ملتلر تشکیلاتی گزارشلریده هم سابق حربيلرنینگ حبسگه آلینیشی، قییناققه سالینیشی و اۉلدیریلیشی بیر نېچه بار حجتلشتیریلگن.
