بامیاننینگ صلصال بوداسیدن الهاملنگن بیر هیکل امریکانینگ نیویارک شهری، منهتن حدودیدهگی «هایلاین» باغیده اۉرنهتیلهدی.
«تایم اوت نیویارک» سایتی خبریگه کۉره، بلندلیگی۲۷ فوت (۸ متردن آرتیق) بۉلگن اوشبو هیکل ویتنامده قومتاشدن اۉییب ایشلنگن و نیویارکدهگی اۉنینچی کۉچه همده اۉتّیزینچی کۉچهده جایلشگن «های لاین پلینت» صنعت میدانچهسیگه اۉرنهتیلهدی.
سایتنینگ یازیشیچه،۲۰۲۶ ییل بهاریدن باشلب «هایلاین» باغی بۉیلب یورگنلر صلصال هیکلینی تماشا قیلیشلری ممکن بۉلهدی.
«دنیا بۉیلب یاغدو ساچووچی نور» دېب ناملنگن اوشبو هیکل ویتنام امریکالیک رسّام «توان اندرو نگوین» نینگ اثریدیر.
نگوین بو اثریده میلادي۶ عصرگه عاید بامیان بودالریدن بیرینی قَیته یرهتگن. بو اولکن هیکللر۲۰۰۱ ییلده طالبان تامانیدن یۉق قیلینیشیدن آلدین افغانستان مرکزیده قد راستلب تورگن اېدی. بوگون بامیانده فقط اولرنینگ بۉش کاوهکلری قالگن، خلاص.
هیکلنینگ اېنگ دقّتگه سزاوار جهتلریدن بیری اونینگ قۉللری دیر. اصل بودا هیکللری تۉلیق ویران قیلینیشیدن عصرلر آلدین هم دیني مخالفلر نینگ کېتمه-کېت هجوملری عاقبتیده قۉللریدن اَیریلگن اېدی.
نگوین بو قۉللرنی اوروش اۉقلریدن اېریتیب آلینگن قاتیشمهدن یسلگن یارقین پروتېزلر بیلن قَیته تیکلب، اولرنی بوداويلیکدهگی مودرا (قۉل اشارهسی) قۉرقووسیزلیک و رحم-شفقت رمزی شکلیده یرهتگن.
ویتانامده یشب ایجاد قیلهیاتگن نگوین اوشبو اثریده ویتنام اوروشی همده مملکتینینگ هنوزگچه پارتلهمهگن حربي اۉق-داریلر بیلن باغلیق معماسی اۉرتهسیده باغلیقلیکنی کۉرستگن.
