جهان ساغلیقنی سقلش تشکیلاتینینگ افغانستاندهگی دفتری مملکتده یوقوملی کسللیکلر، خصوصاً، سیل ( توبرکلوز) بۉییچه یوقاری درجهدهگی تېکشیروو ماموریتی یکونلنگنینی اعلان قیلگن.
جهان ساغلیقنی سقلش تشکیلاتی خبریگه کۉره، ماموریتنینگ مقصدی توبرکلوز ملی دستورینی بهالش و اوشبو کسللیککه عاید خدمتلرنی کوچهیتیریش اوچون ملي همکارلرنی قۉللب-قوّتلش بۉلگن.
مذکور ماموریت جهان ساغلیقنی سقلش نینگ خلق ارا متخصصلری رهبرلیگیده عملگه آشیریلگن بۉلیب، تېکشیروو گروهی کابل، بلخ، ننگرهار، قندهار و هرات ولایتلریگه بۉلگن سفرده کوزهتیلگن.
سفر دوامیده اولر ساغلیقنی سقلش خادملری بیلن اوچرهشگن، توبرکلوز لابراتوارلری و دارو-درمانلرگه چیدملی سیل ( DR-TB) مرکزلرینی کۉزدن کېچیرگن همده اجتماعي خدمتلرنی یقیندن کوزهتگن، شونده جماعت درجهسیده خدمت کۉرسهتیش تیزیمینی یخشیراق توشونیش مقصد قیلینگن.
جهان ساغلیقنی سقلش تشکیلاتی معلوماتلریگه کۉره، ماموریت نتیجهلری طالبان ساغلیقنی سقلش وزیرلیگی بیلن بۉلیشیلگن. تشکیلات ماموریت توصیهلری نینگ ۲۰۳۰-۲۰۲۶ ییللرگه مۉلجللنگن ملي توبرکلوز دستورینی ایشلب چیقیشده مهم رۉل اۉینشینی تأکیدلهگن.
سیل افغانستانده جدّي ساغلیقنی سقلش معماسی صفتیده قالماقده. دنیا ساغلیقنی سقلش تشکیلاتی معلوماتلریگه کۉره، ۲۰۲۴- ییلده مملکتده 50 مینگدن آرتیق سیل حالتلری قید اېتیلگن.
