ایراننینگ رضوی خراسان ولایتی تایباد اولسواللیگی دادستانی حجت صدیقی، ناقانوني یۉل بیلن ایران توپراغیگه کیریب، قار ایچیده قالیب کېتگن ایکّی مینگ ۱۰۶ نفر افغانستان وطنداشی قوتقریلگنینی معلوم قیلدی.
ایرنا خبریگه کۉره، صدیقی بوگون (یکشنبه، ۳۰ قوس) بو شخصلر ایران قوراللی کوچلری تامانیدن چېگره حدودلری نینگ قیین و باریش مشکل جایلریده انیقلنگنینی ایتگن. اونینگ سۉزلریگه کۉره، اولرگه یاردم کۉرستیلگچ، ینه افغانستانگه قَیتریلگن.
طالباننینگ هراتدهگی محلي رسميلری حاضرچه بو بارهده هېچ قندهی ایضاح بېرمهگن.
سۉنگگی کونلرده ایران تامانگه ناقانوني یۉل بیلن اۉتیشگه اورینگن بیر نېچته افغانستان وطنداشی ساووق طفیلی هلاک بۉلگنی حقیده خبرلر ترقهلگن.
طالباننینگ هرات ولایتی حاکمی مطبوعات سۉزلاوچیسی کهسان اولسواللیگی چېگره منطقهلریده اوچ کیشی ساووقدن وفات اېتگنینی تصدیقلهگن، بیراق محلي منبعلر قربانلر سانی بوندن کۉپراق اېکنینی اَیتماقده.
