طالبلرنینگ ساغلیقنی سقلش وزیری نورجلال جلالی، هندستانده اۉتکزیلگن ایکّینچی جهان عنعنوي طبیات ییغیلیشی دایرهسیده جهان ساغلیقنی سقلش تشکیلاتی باشلیغی تدروس ادهانوم گبریسیوس بیلن اوچرهشدی و صحبتلشدی.
طالبان ساغلیقنی سقلش وزیرلیگی بیاناتیگه کۉره، بوگون(شنبه، ۲۹ قوس) اۉتکزیلگن اوشبو اوچرهشووده «پولیو ویروسینی انیقلش لابراتوار خدمتلرینی یخشیلش، ساغلیقنی سقلش تیزیمینی مستحکملش، همکارلیکنی رواجلنتیریش اوچون بدیل منبعلرنی جلب قیلیش، افغانستان ساغلیقنی سقلش مسووللرینی خلق ارا ساغلیق ییغیلیشلریده اشتراک اېتیشینی تأمینلش و مملکت نینگ ۳۱۸ تومنیدهگی ینگی شفاخانهلرنی جهازلش» مسألهلری محاکمه قیلیندی.
نور جلال جلالی، افغانستان بیلن دنیا ساغلیقنی قلش تشیکلاتی همکارلیگینی صفتلی ساغلیق خدمتلرینی تقدیم اېتیش یۉلیده جوده مهم دېب حسابلهیدی و طالبان اوشبو تشکیلات بیلن همکارلیککه صادق اېکنینی بیلدیرگن.
او دنیا ساغلیقنی سقلش تشکیلاتیدن پولیو کسللیگینی انیقلش اوچون صفتلی لابراتوارلر یرهتیش و مملکت نینگ ۳۱۸ تومنیده شفاخانه قوریلیشیده همکارلیک قیلیشنی سۉرهگن.
طالبان ساغلیقنی سقلش وزیرلیگی بیاناتیده، دنیا ساغلیقنی سقلش تشیکلاتی باشلیغی برچه مسألهلرده افغانستان بیلن تۉلیق همکارلیک قیلینیشینی بیلدیرگن.
وزیرلیکنینگ قۉشیمچه قیلیشیچه، تدروس ادهانوم گبریسیوس دنیا مقیاسیده ساغلیقنی سقلش تیزیمینی مستحکملشنینگ اهمیتینی تأکیدلهگن و دنیا ساغلیقنی سقلش تشیکلاتیگه برچه اعضا دولتلر بیلن همکارلیکنی دوام اېتتیریب، جمعیت ساغلیغینی یخشیلش، کسللیکلرنی آلدینی آلیش و ساغلیق خدمتلریگه تېنگ اېریشیش تأمینلش بۉییچه یاردم کۉرسهتیشینی بیلدیرگن.
