بیرلشگن ملتلر تشکیلاتی مخدرماده و جنایت بیلن کورهش ادارهسینینگ خبریگه کۉره، میانمار حاضرده افغانستاندن ایکّی برابر کۉپراق تریاک ایشلب چیقرهدی و دنیادهگی اېنگ ییریک تریاک ایشلب چیقرووچی مملکتگه ایلنگن.
تشکیلات تامانیدن بوگون(شنبه ۳۰ قوس)اعلان قیلینگن گزارشیده ایتیلیشیچه، میانمار جاري ییل دوامیده اۉن مینگ تُن تریکا ایشلب چیقرگن.
تشکیلاتنینگ معلوماتلریگه کۉره، افغانستانده۲۰۲۳ ییلدن بویان قۉللنهیاتگن تریاک گیاهوندلیک اوچون فایدهلنیلهدیگن خشخاش اېکینینی تعقیقلش سیاستی تریاک ایشلب چیقریشنی۹۵ فایزگه کمهیتیرگن.
بیرلشگن ملتلر تشکیلاتی مخدرماده و جنایت بیلن کورهش ادارهسی میانمارهدهگی ایچکی شرایطلر و افغانستاندهگی چېکلاولر طفیلی بو مملکت دنیادهگی ناقانوني تریاک نینگ اساسي منبعیگه ایلنگن دېدی.
گزارشده، دنیا بۉیلب مخدر مادّهلر، خصوصاً هروئین یېتیشمسلیگی، عنعنوي روشده افغانستاندن تأمینلنگن بازارلرده نرخلرنی آشیریش باسیمینی کېلتیریب چیقریشی ممکن دېیلهدی. شو بیلن بیرگه، جَنوبی-شرقي آسیادن ناقانوني روشده آلیب کېلینگن هروئین عادتدهگی یېتکزیب بېریلمهگن بازارلر تامان یۉنهله باشلهگنیگه عاید بېلگیلرگه هم اعتبار قرهتیلگن.
اداره معلوماتلریگه کۉره، منطقهدهگی هروئین یېتکزیب بېریش نینگ کمهییشی مخدر مادّهلر اقتصادیاتینینگ عمومي قیمتینی تخمیناً ۱۷ فایزگه قیسقرتیرگن؛ حاضرده بو اقتصادنینگ قیمتی۶۴۱ میلیوندن۱.۰۵میلیارد دالرگچه بهالنماقده.
اوشبو رقملر۲۰۲۴ ییلده میانمارنینگ یلپی ایچکی محصولاتی نینگ ناخالص ۰٫۹ تا ۱٫۴ فایزیگه تېنگ.
افغانستان تخمیناً ییگیرمه ییلدن بېری دنیادهگی اېنگ ییریک تریاک ایشلب چیقرووچی مملکت اېدی. طالبان مملکتنی ینه اېگهلهگنیدن سۉنگ، تریاک و باشقه مخدر مادّهلر یېتیشتیریش، ایشلب چیقریش و سوداسینی منبع قیلینگن.
اولر افغانستانده خشخاش یېتیشتیریش اېندی صفرگه تېنگلیگینی ادعا قیلسه-ده، هر ییلی تورلی ولایتلرده یوزلب هکتار خشخاش اېکینلری یۉق قیلینیشی حقیده خبر بېریلهدی.
بیراق، طالبلر چارهلری خشخاش یېتیشتیریش و تریاک ایشلب چیقریشنی کمهیتیرگن بۉلسه-ده، تشکیلات گزارشلریگه کۉره، افغانستانده مت آمفتامین کبی صناعت مخدر مادّهلر ایشلب چیقریش آرتگن.
