ایراننینگ پایتختی تهران شهریده افغانستانلیک بیر قنچه اۉزبېک محصللر، مدنی فعاللر، شاعرلر، ضیالیلر و یاشلرنینگ اشتراکی بیلن یلدا کېچهسی مدنی دستوری یۉلگه قۉییلیشی بیلن نشانلندی.
چلله کېچهسی مراسمی تشکیلاتچیلری یلدا کېچهسینینگ تاریخي ایلدیزلری، مدني اۉرنی و تورکي خلقلر آرهسیدهگی اهمیتی حقیده گپیریب به تفصیل سۉزلشدیلر.
مذکور فرهنگی برنامهده گپیرگنلراوشبو قدیمي مراسمنینگ مدني اۉزلیکنی سقلشدهگی اۉرنی حقیده تۉختهلیب، اجدادلردن میراث بۉلیب کېلهیاتگن قدریت و عنعنهلرنی کېلهجک اولادلرگه یېتکزیش ضرورلیگی اوستیده علیحده تأکیدلهدیلر.
دستور دوامیده یلدا کېچهسیگه بغیشلنگن شعر و قۉشیقلر اجرا اېتیلدی، عنعنوي تاپیشماقلر، قصهلر و فولکلور کوی-قۉشیقلری ینگرهدی. بو قِسم تدبیر اشتراکچیلری تامانیدن ایلیق کوتیب آلینب مراسمگه علیحده شادلیک و صمیمي محیط بخش اېتدی.
مراسم یکونیده شونگه اۉخشهش مدني تدبیرلرنی دوام اېتتیریش و کېنگهیتیریش ضرورلیگی اوستیده اورغو بېریلدی.
