اطلاعات روز مخاطبلرینینگ بېریشیچه، طالباننینگ کابل شهر حاکمیتی افغانستاندهگی اېنگ قدیمي سینما سالونلریدن بیری بۉلگن آریانا سینماسی بناسینی بوزیب تشلهگن.
منبعلرگه کۉره، سینما اۉرنیده تجارت مرکزی قوریلیشی رېجهلشتیریلگن.
اجتماعي ترماقلرده ترقهلگن ویدیولرده هم طالبان اعضالری آریانا سینما بناسینی بوزهیاتگنی و ویرانهلرنی آلیب چیقیش ایشلری آلیب باریلهیاتگنی کۉرینهدی. معین بیر منبعنینگ ایتیشیچه، بوگون (چهارشنبه،۲۶ قوس) بو بنانینگ ویرانهلرینی آلیب تشلش ایشلری ایکّی کوندن بېری دوام اېتماقده.
آریانا سینما بهزاد سینماسیدن کېین افغانستاندهگی اېنگ قدیمي سینمالردن بیری بۉلگن. بیراق ایچکی اوروشلر و طالباننینگ بیرینچی حاکمیتی دوریده بیر نېچه بار ضرر کۉریب، فعالیتی تۉختهب قالگن اېدی.
طالبان افغانستانده ینه حاکمیتنی قۉلگه آلگچ، دستلب اوشبو سینماده، سینما فستیوالی اۉتکزگن، بیراق کېین اونینگ اېشیکلرینی یاپگن و آخر-عاقبت بنانی بوتونلهی بوزیب تشلهگن.
طالبان بوندن اوّل هم افغانستاننینگ ینه بیر قدیمي سینماسی خیرخانه سینماسینی بوزیب، اونینگ اۉرنیده مسجد، تجارت مرکزی و تورر جای بنالری قوریلیشینی اعلان قیلگن اېدی. اوشبو گروه حکمرانلیگی آستیده جانلی تصویرلرنی نمایش قیلیش منبع قیلینگن، حاضرده اېسه افغانستانده سینما و فلم صناعتی دېیرلی موجود اېمس.
شونینگدېک، «پارک سینما سۉنگّی ییللرده مملکتده بوزیب تشلنگن اوچینچی اېنگ قدیمي سینمالردن حسابلنهدی.
۱۳۹۹ ییلده هم پارک سینماسی سابق جمهور رئیس اۉرین باسری امرلله صالح بویروغی بیلن بوزیب تشلنگن اېدی.
پارک سینمانینگ بوزیلیشی کېنگ جماعتچیلیک ناراضیلیگیگه سبب بۉلگن و بو واقعه خلق نینگ جماعهوي خاطرهسی نینگ بیر قِسمینی ویران قیلیش صفتیده بهالنگن.
