بیرلشگن ملتلر تشکیلاتینینگ انسان حقوقلری بۉلیمی طالباندن، محلي عیال خادملرنینگ بیرلشگن ملتلر تشکیلاتی ادارهلریگه کیریشینی چېکلشنی بېکار قیلیشینی سۉرهب، شونده اولر یاردمگه محتاجلرگه یاردم بېره آلیشهدی.
بیرلشگن ملتلر تشکیلاتینینگ انسان حقوقلری بۉلیمی ایکس اجتماعي ترماقده، «عیاللر و قیزلرگه نسبتاً تیزیملی کمسیتیش افغانستان منفعتیگه اېمس و درحال توگهتیلیشی کېرهک دیگن.»
طالبان سۉنگّی ۱۰۰ کون دوامیده عیال خادملرنینگ بیرلشگن ملتلر تشکیلاتی ادارهلریگه کیریشینی تۉسیب کېلماقده.
تشکیلات اېسه عیاللر بو تشکیلات اوچون ضرور اېکنلیگینی و فقط اولرنینگ اشتراکی آرقهلی عیاللر و قیزلرگه یېتیب باریش و یاردم کۉرسهتیش ممکنلیگینی بیلدیرهدی.
مذکور تشکیلات، یاردملر عیاللر تامانیدن و عیاللرگه بېریلیشی لازملیگی حقیده علیحده تاکیدلهگن.
طالبان اوچ ییل آلدین نادولت تشکیلاتلرده، جملهدن بیرلشگن ملتلر تشکیلاتیگه عیاللرنینگ ایشلشینی منع قیلدی، شونینگدېک، بو گروه حاکمیتگه قَیتگن دستلبکی کونیدن باشلب دولت ادارهلریده عیاللرنینگ ایشلشینی هم منع قیلگن. شونگه قرهمهی، عیاللر بیرلشگن ملتلر تشکیلاتی و بیر قنچه یاردم موسسهلریده ایشلشنی دوام اېتتیرگن.
