طالبان ساغلیقنی سقلش وزیری نورجلالی جلالي، بوگون (سهشنبه، ۲۵ قوس) رسمي سفر بیلن هندستانگه یۉل آلدی.
طالبان ساغلیقنی سقلش وزیرلیگینینگ معلوم قیلیشیچه، اوشبو سفر ایکّی مملکت اۉرتهسیدهگی ساغلیقنی سقلش ساحهسیدهگی همکارلیکنی مستحکملش، تجربه المشیش و عمومي سعی-حرکتلرنی تشکیل اېتیش مقصدیده عملگه آشیریلماقده.
وزیرلیکنینگ قۉشیمچه قیلیشیچه، نورجلال جلالي هندستان نینگ تورلی وکیللری، جملهدن ساغلیقنی سقلش ساحهسیدهگی مسووللر بیلن اوچرهشهدی و رېجهلشتیریلگن بعضی ییغیلیشلرده اشتراک اېتهدی.
هندستان تشقی ایشلر وزیرلیگی سۉزلاوچیسی راندهیر جیسوال ایکس اجتماعی ترماغیده جلالي نینگ بو مملکتگه سفر قیلگنینی معلوم قیلدی.
اونینگ قۉشیمچه قیلیشیچه، اوشبو سفر هندستان نینگ افغانستان ساغلیقنی سقلش تیزیمیگه دایمي قۉللب-قوّتلشینی نمایان اېتهدی. تشقی ایشلر وزیرلیگی سۉزلاوچیسی: «بیز ثمرهلی مذاکرهلرنی اینتیقلیک بیلن کوتماقدهمیز»، دېگن.
نورجلال جلالي سۉنگّی ایکّی آیده هندستانگه سفر قیلگن طالبان نینگ اوچینچی وزیری حسابلنهدی. اوّلراق طالبان تشقی ایشلر وزیری امیرخان متقی، و صناعت و تجارت وزیری نورالدین عزیزی هم هندستانگه بارگن اېدی.
