ایران تشقی ایشلر وزیری عباس عراقچی ایران طالبان بیلن یقین ملاقاتده اېکنینی و افغانستان بۉییچه تهرانده اۉتگن منطقوي ییغیلیش نتیجهلرینی اوشبو گروهگه یېتکزیشینی ایتدی.
او بوگون (یکشنبه، ۲۳قوس) ایرنا خبر آژانسیگه بېرگن صحبتیده، ایشانچیم کاملکی، منطقوي جماعهوي حرکتلر منطقه برقرارلیگی اوچون کتّه ثمره بېرهدی دېگن.
اېران تشقی ایشلر وزیرینینگ تأکیدلشیچه، ایران نظریده فقط منطقوي یېچیم افغانستان بحرانینی حل قیلیشگه یاردم بېره آلهدی.
اونینگ سۉزلریگه کۉره، ایران افغانستان منطقه بیلن همگرالیک جریانیده بۉلیشی کېرهک، دېب حسابلهیدی و بو افغانستان همده منطقه دولتلری منفعتیگه خدمت قیلهدی.
بوگون تهران افغانستان بۉییچه منطقه دولتلری و روسيه اشتراکیدهگی ییغیلیشگه مېزبانلیک قیلدی.
ییغیلیشده پاکستان، تاجیکستان، اۉزبېکستان، تورکمنستان، چین و روسيهنینگ افغانستان بۉییچه مخصوص نمایندهلری اشتراک اېتدی.
