بیرلشگن ملتلر تشکیلاتینینگ افغانستان بۉییچه مخصوص انسان حقوقلری گزارشگری ریچارد بنت، «خلق ارا انسان حقوقلری کونی» مناسبتی بیلن انسان حقوقلری بوتون دنیا مذاکرهگه یات اېمس لیگینی تأکیدلهدی.
بنت بوگون(چهارشنبه ۱۹ قوس) اۉزی نینگ ایکسدهگی یازوویده شوندهی دېدی: بیرلشگن ملتلر تشکیلاتینینگ اساسي وظیفهلریدن بیری انسان حقوقلرینی حمایه قیلیش بۉلیب، بو کۉپلب آدملرنی جملهدن بوگونگی افغانستانده عدالتسیزلیکدن حمایه قیلیش اوچون مرکزي اۉرینده تورهدی.
اونینگ قۉشیمچه قیلیشیچه: «انسان حقوقلری کونیده دنیا قطعي ایتیشی کېرهک: انسان حقوقلری بوتون دنیا مذاکرهگه یاتمهیدی. عدالتسیزلیک هېچ قچان عادتي حالگه ایلنتیریلمسلیگی کېرهک.»
طالبان حاکمیتنی قَیته اېگهلهگنیدن بېری کېنگ کۉلملی انسان حقوقلری بوزیلیشلریده عیبلنیب کېلماقده.
ریچارد بنت اۉز گزارشلریده طالبلر تامانیدن صادر اېتیلهیاتگن حقوق بوزرلیکلرنی مقصدلی و تیزیملی دېب بهالهگن.
بو گروه، خصوصاً، عیاللر و قیزلرنینگ حقوقلرینی کېسکین چېکلشده، اولرنی تعلیم و ایش امکانیتلریدن محروم قیلیشده عیبلنماقده.
شونینگدېک، طالبلر قومی آزچیلیکلر و مذهبی گروهلرنینگ حقوقلرینی پایمال قیلیش همده اولرنی باستیریشده هم عیبلنهدی.
