بویوک بریتانیاده ایکّی نفر۱۷ یاشلی افغانستانلیک قاچقین اۉسمیر قیزگه جنسي تجاوز قیلگنلیکده عیبدار دېب تاپیلیب، قماق جزاسیگه حکم قیلیندی. رویترز خبریگه کۉره، بو ایکّی اۉسمیر جان جهانزیب و اسرار نيازال ماس روشده۱۰ ییل سکّیزآی و۹ ییل اۉن آی قماق جزاسیگه محکوم اېتیلگن.
واقعه شو ییل نینگ می آییده « لیمینگتون اسپا» شهریدهگی بیر پارکده یوز بېرگن. اولر۱۵ یاشلی قیزنی دۉستلریدن اجرهتیب، اونگه جنسي تجاوز قیلگن. جبرلنووچی حالتنی یشیرین طرزده ویدیوگه آلیب، محکمهده نمایش قیلگن. ویدیوده قیزنینگ ییغلهشی و «التماس، مېنگه یاردم بېرینگ… قۉییب یوبارینگ… اویگه کېتماقچیمن» دېگن بقیر-چقیرلری اېشیتیلگن.
محکمه قراریگه کۉره، بو ایکّی اۉسمیر کېلهسی ییلی۱۸ یاشگه تۉلهدی و جزانی اۉتهب بۉلگنیدن سۉنگ بریتانیادن دیپورت قیلینهدی.
جهانزېب نینگ وکیل مدافعسی رابرت هولت نینگ ایتیشیچه، او جنوری آییده تۉرتینچی اورینیشی آرقهلی، کیچیک قَییقده مانیش بۉغازی آرقهلی بریتانياگه کیرگن. نيازال نینگ وکیل مدافع سی جاشوا رادکلیف اېسه، او اۉتگن ییل نینگ نوامبر آییده یالغیز حالده بریتانياگه کېلگنینی و آتهسی افغانستان اوردوسیده ایشلهگنی سببلی، طالبلر تامانیدن اۉلدیریلگنیدن کېین قاچیشگه مجبور بۉلگنینی ایتگن.
محکمه، نيازال نینگ هم جزا مدتیدن سۉنگ مملکتدن چیقریلیشینی توصیه قیلگن.
