ارزگان ولایتینینگ خاص اولسواللیگیدهگی منبعلرنینگ تصدیقلشیچه،۲۷ یاشلی هزاره ییگیت اولسواللیکنینگ مرکزیده اۉلدیریلگن.
منبعلر اطلاعات روز گزیتهسیگه ایتیشیچه، اۉلدیریلگن شخصنینگ آتی عبدالعظیم، آتهسی غلامسخی بۉلیب، او خاص اولسواللیگی سیدان منطقهسیده یشهگن. منبعلرگه کۉره، بو ییگیت دهقانچیلیک بیلن شغللنردی و ایکّی فرزندی هم بار اېدی.
شخصیتی آشکار قیلینمسلیگینی سۉرهگن منبعنینگ خبر بېریشیچه، عبدالعظیم یکشنبه کونی ۱۶ قوس توشدن کېین ساعت ۲:۰۰ اطرافیده خاص اولسواللیگیده طالبان پولیس قوماندانلیگی ایکّی یوز متر مصافهده، اویی نینگ آلدیده، اوچ نفر پشتون تامانیدن پیچاقلهنیب اۉلدیریلگن.
منبعنینگ کۉپهیتیریشیچه، اوچ کیشی بیرینچیدن عبدالعظیم اویینینگ اېشیگینی تقیللتگن و او چیققندن سۉنگ اونگه پیچاق بیلن هجوم قیلیشگن. منبع سۉزلریگه کۉره، «اېشیکنی تقیللهتیب کېلینگ، سیز بیلن ایشیمیز بار، دېییشدی. عبدالعظیم چیققنده پیچاق بیلن هجوم قیلیب، اۉلدیریشدی.» عبدالعظیمنینگ جسدیده پیچاقلرنینگ ایزی بۉلگن.
بو یاشنینگ قرینداشلریدن بیری اۉلدیریش سببینی سۉرهلگن، بو اۉلدیریش نینگ سببی سیدانده هزارهلر موجود اېمسلیگی بیلن باغلیق دېب معلوم قیلگن.
منبعلرنینگ خبر بېریشیچه، محلي طالبان رسمیلری بو قاتللیک بیلن باغلیق ایکّی کیشینی حبسگه آلگن، اما عبدالعظیمنینگ عایلهسیدن راضی بۉلیشنی طلب قیلماقده، یعنی «قاتللیک قصداً بۉلمهگن» دېیه کۉرسهتیشگه حرکت قیلماقده.
منبعلرگه کۉره، ایکّی ییل آلدین عبدالعظیم نینگ اکهسی عبدالرحیم هم خاص اولسواللیگیده اۉز دوکانیده اۉلدیریلگن اېدی.
شونینگدېک، باشقه بیر منبعنینگ تأکیدلهگنیدېک، عبدالرحیم نینگ ایکّیته عمکیبچهسی۲۰۱۰ ییلده ارزگان کوتل باغچار منطقه سکّیز باشقه هزاره بیلن بیرگه باشی تنهسیدن جدا قیلینیب اۉلدیریلگن اېدی.
منبعلرگه کۉره، بو عایله سیدان منطقهسیدهگی یگانه قالگن هزاره عایلهسی بۉلیب، باشقه عایلهلر زۉروانلیکلر سببلی کۉچیب کېتیشگه مجبور بۉلگن.
طالبان افغانستانگه قَیته حکمران بۉلگنیدن بېری، خاص اولسواللیگیده هزاره یشاوچیلرگه نسبتاً کېتمه-کېت قاتللیکلر یوز بېرهیاتگنی خبر قیلینماقده. ایریم رقملرگه کۉره، شو دورده کمیده۲۲ کیشی اوشبو اولسواللیک اهالیسی آرهسیده اۉلدیریلگن.
بوندن تشقری، اولسواللیک تورلی قیشلاق اهالیسی پیشتونلر تامانیدن درختلرنینگ کېسیلیشی، حاصل یاندیریلیشی و باشقه ملکلری نینگ بوزیلیشی کبی حالتلرنی قید اېتگن.
بو زوروانلیکلرنینگ سببی قومی ترنگلیک دېب حسابلنهدی. شو بیلن بیرگه، خاص اولسواللیگیده هزاره اهالیسی مجبوري کۉچیریش خوفی آستیده اېکنینی بیلدیرهدی.
