خبرلرگه کۉره، جنگریلرنینگ خیبر پختونخوا ایالتیدهگی بیر خوفسیزلیک پُستهگه هجومی نتیجهسیده آلتی نفر پاکستانلیک عسکر اۉلدیریلگن.
پولیس و خوفسیزلیک ادارهلری نینگ اوچ منبعسی چهارشنبه کونی رویترز خبر آژانسیگه ایتیشیچه، هجوم دوشنبه کونی کېچهسی، افغانستان چېگرهسیگه یقین بۉلگن کرم حدودیدهگی قبیلهوي منطقهده صادر بۉلگن.
پاکستان رسميلری بو هجوم حقیده رسمي بیانات بېرمهگن.
پاکستان حکومتینینگ تأکیدلشیچه، افغانستانده طالبان حاکمیتگه قَیتگندن بېری مملکت ایچیدهگی هجوملر کۉپهیگن.
اسلامآباد نینگ ایتیشیچه، پاکستانلیک جنگریلر، جملهدن تحریک طالبان پاکستان (تیتیپی) اعضالری افغانستانده جایلشگن و او یېردن پاکستانگه قرشی هجوملر اویوشتیریش اوچون فایدهلنماقده.
پاکستان تخمیناً 50 کوندن بېری افغانستان بیلن چېگرهلرینی یاپیق حالده اوشلب توریبدی و تیتیپی همده باشقه ترور گروهلری افغانستان توپراغیدن پاکستانگه هجوم اویوشتیرمسلیگی اوچون طالباندن قطعي کفالت طلب قیلماقده. اما طالبان پاکستان رسميلرینینگ بو دعوالرینی رد اېتیب، هېچ بیر گروهگه افغانستان توپراغیدن باشقه دولتلرگه قرشی فایدهلنیشگه رخصت بېرمسلیکلرینی اَیتماقده.
