بیرلشگن ملتلر تشکیلاتینینگ انسانپرورلیک یاردمینی موافقلشتیرووچی ادارهسی(اوچا)نینگ ایتیشیچه، ۲۰۲۶-ییلده افغانستانده ۲۱.۹ میلیون کیشی انسانپرورلیک یاردمیگه محتاج بۉلهدی.
اوچا بوگون ( دوشنه ۱۷قوس) اعلان قیلگن گزارشیده بو رقم جاري ییلگه نسبتاً تۉرت فایز کمهیگن بۉلسه-ده، افغانستان حلی هم تۉقنشوو بۉلمهگن منطقهلر آرهسیده احتیاجی اېنگ یوقاری مملکتلردن بیری بۉلیب قالماقده دېگن.
گزارشگه کۉره، انسانپرورلیک تشکیلاتلری۱۷.۵میلیون کیشیگه یاردم کۉرسهتیشنی اوستوار وظیفه صفتیده بېلگیلب، بو مقصد اوچون۱.۷۲میلیارد دالر مقداریده بودجه طلب قیلماقده.
اوچانینگ قۉشیمچه قیلیشیچه، یاردملر اساسا حمایه و حیاتنی سقلب قالیشگه قرهتیلگن ساحهلر آزیق-آوقت، باشپناه، طبي خدمتلر، طعاملنتیریش، تازه ایچیملیک سووی و کۉپ یۉنهلیشلی پول یاردملریگه یۉنهلتیریلهدی.
حساباتگه کۉره، افغانستاندهگی بشری وضعیت هنوزگچه چوقور ترکیبي ضعیفلیک، یامانلشیب بارهیاتگن آزیق-آوقت خوفسیزلیگی و تکراري ضربهلر اقلیم اۉزگریشیدن کېلیب چیققن قورغاقچیلیک، کېنگ کۉلملی قَیتگن مهاجرلر آقیمی، زلزلهلر، تکرارن صادر بۉلهیاتگن سېل تاشقینلری، کسللیکلرنینگ کۉپهییشی همده اینیقسه عیاللر و قیزلر اوچون آغیر حمایه خوفلری تأثیریده قالماقده.
اوچا، افغانستانده آزیق-طعام خوفسیزلیگی کېسکین یامانلشماقده و کېلگوسی ییلده۱۷.۴میلیون کیشی آغیر آزیق-آوقت تنقیصلیگیگه دوچ کېلیشی کوتیلماقده ممکن.
گزارشنینگ قید اېتیشیچه،۵.۲میلیون کیشی فوق العاده درجهدهگی آزیق-طعام تنقیصلیگی حالتیده بۉلهدی، بو کۉرستکیچ ۲۰۲۵ییلگه نسبتاً ایکّی برابر کۉپ.
شونینگدېک، مملکتده قورغاقچیلیک دوام اېتهیاتگنی،۱۲ته ولایت جدّي ضرر کۉرگنی تأکیدلنگن.
تشکیلات معلوماتیگه کۉره،۳.۴میلیون کیشی الّهقچان قورغاقچیلیکدن جدّي تأثیرلنگن.
اوچا ینه شونی بیلدیرهدیکی، یاغینگرچیلیک نینگ اۉرتهچه درجهدن پست بۉلیشی و حرارت نینگ یوقاری بۉلیب قالیشی ۲۰۲۶-ییل باشیگچه دوام اېتیشی ممکنلیگینی معلوم قیلمایده اوچا.
بیرلشگن ملتلر تشکیلاتینینگ انسانپرورلیک یاردملرینی موافقلشتیرووچی ادارهسی، یاردم کۉرستووچی خادملر اوچون خوفسیزلیک تهدیدلری هنوز کېسکینلیگیچه قالماقده خصوصاً، طالبلر تامانیدن عیاللر و قیزلرگه قۉییلگن چېکلاولر، ینگی چېکلاولرنینگ جاري اېتیلیشی و جنسي زۉروانلیک خوفلری سبب دېب اورغولهیدی.
اوپا ۲۰۲۵ییلده افغانستانده۲۲.۹میلیون کیشی یاردمگه محتاج اېکنینی اعلان قیلگن اېدی. اولردن۱۶.۸میلیون کیشی اوستوار یاردم آلووچیلر صفتیده بېلگیلنگن بۉلیب، بونینگ اوچون۲.۴۲میلیارد دالر طلب قیلینگندی.
اما اوچا بوتون ییل دوامیده مبلغ یېتیشمسلیگی و دونر دولتلر تامانیدن سۉرهلگن بودجه نینگ تۉلیق تأمینلنمهیاتگنی حقیده شکایت قیلیب کېلگن.
بیرلشگن ملتلر تشکیلاتینینگ باشقه ادارهلری هم بشردوستانه بودجه قیسقرهیاتگنیدن شکایت قیلماقده. جملهدن، دنیا آزیق-آوقت دستورینینگ ایتیشیچه، مبلغ یېتیشماوچیلیگی طفیلی آزیق-آوقت یاردم آلووچیلرنینگ سانی۱۰ میلیوندن۲ میلیونگه قیسقرتیریلگن.
