دنیا آزیق-آوقت دستوری افغانستانده آزیق-آوقت خوفسیزسیزلیگی و تۉییب آوقتلنمسلیک تشویشلی درجهده تېز کوچهییب بارهیاتگنینی بیلدیرگن.
اوشبو تشکیلات بوگون (یکشنبه، ۱۶ قوس) ایکس ترماغیده اعلان قیلگن بیاناتیده آگاهلنتیریب ایتیشیچه، قیش کېلیشی بیلن عیاللر و بالهلر آرهسیده آزوقه یېتیشماوچیلیگی احتمال ینه-ده آرتهدی و سۉنگّی ییللرده کۉریلمهگن درجهگه یېتیشی ممکن.
تشکیلاتنینگ اجرایی بۉلیمینینگ اۉرینباسری کارل اسکاو الجزېره بیلن صحبتده مملکتده آچرچیلیک کوچهیگنی و بودجه کمهیگنی بارهسیده چوقور خواطر بیلدیرگن.
اونینگ ایتیشیچه، بودجه تنقیصلیگی سبب یاردم آلهیاتگنلر سانینی۱۰میلیوندن اتیگی۲ میلیون کیشیگه توشیریشگه مجبور بۉلگن.
دنیا آزیق آوقت دستوری اۉرین باسری بالهلر قیشده یېترلی آزیق-آوقت یاردمیگه اېریشالمگنی سبب اۉلیم حالتلری کۉپهییشی ممکنلیگی حقیده آگاهلنتیرگن.
بیرلشگن ملتلر تکشیلاتی حساب – کتابیگه کۉره، افغانستانده۵یاشگچه بۉلگن۳.۵میلیون باله اۉتکیر تۉییب طعاملنمسلیکدن اذیت چېکماقده. شونینگدېک، ۱ میلیون ۲۰۰ مینگدن آرتیق حاملهدار و اېمیزیکلی عیاللر هم آغیر آزیقلنیش معماسیگه دچار.
شو بیلن بیرگه، بیرلشگن ملتلر تشکیلاتی ادارهلری جاري ییلده بیر نېچه بار افغانستانده بشردوستانه بودجه یېتیشمسلیگی و اونینگ عاقبتلری حقیده آگاهلنتیریب کېلماقده. اولر نینگ ایتیشیچه، مبلغ یېتیشمسلیگی سبب میلیونلب محتاج آدملرگه یاردم یېتکزیش نینگ علاجی قالمهیپتی.
