جوزجان ولایتیده طالبلر امنیه قوماندانلیگی، آقچه اولسواللیگیده بیر خاتین ایناغهسی آرقهلی اۉلدیریلگنی حقیده معلوم قیلدی.
قوماندانلیک مقتولنینگ ایناغهسی قۉلگه آلینگی حقیده خبر بېریب، قتل انگیزهسی «ناموسی» مساله بۉلگن دېدی.
جوزجانده طالبلر امینه قوماندانلیگینینگ سۉزلاوچیسی عبدالستار حلیمی، ۳۲ یاشیده بۉلگن مذکور عیال ایناغهسی تامانیدن چرهیی اسلحهسی بیلن آتیب اۉلدیریلگن دېب ایتدی.
حلیمینینگ ایتیشیچه، مذکور عیالنینگ ایناغهسی جوزجان ولایتی مرکزی شبرغان شهرینینگ بېشینچی حوزهسیده قۉلگه آلینگن.
طالبلر پولیسینینگ خبرنامهسیده قاتل همده مقتول و شونینگدېک قتل انگزهسی خصوصیده تفصیلات بېریلمهگن.
ناموسی قتللر قربانلری، عایله اعضالری آرقهلی اۉلدیریلهدیگن خاتین – قیزلرنی اۉز ایچیگه آلهدی. افغانستانده اوشبو قربانلرنینگ رقمی بارهسیده انیق معلومات یۉق، لېکن انده – سنده بو تۉغریده گزارشلر قیلینهدی.
