هراتدهگی منبعلر ۵۵ یاشیده بۉلگن بیر کیشی «ناتانیش قوراللی» کیشیلر تامانیدن اۉلدیریلگنینی بیلدیردیلر.
منبعنینگ ایتیشیچه، اۉلدیریلگن کیشی ۲۷یاشر نجیبالله سلطانی دیر. او بوگون (یکشنبه ۱۶قوس) اوییدن ایش جایی تامان حرکتده بۉلگن پیت هرات شهرینینگ تۉقیزینچی ناحیهسی مشوانیلر منطقهسیده موتر سایکلده بۉلگن شخصلر تامانیدن اۉققه توتیلگن.
منبع نینگ ایتیشیچه، سلطانینینگ باشیچه اوچته اۉق تېککن.
شونینگدیک سلطانیگه یقین کیشیلرنینگ سۉزلریگه کۉره، بوندن تۉرت ییل آلدین نجیبالله نینگ اکهسی هرات فوتبالچیلرنینگ ایلغارلریدن حمید سلطانی شونگه اۉخشش حادثهده قتل قیلینگن اېدی.
طالبلر مملکت بۉیلب خوفسیزلیک و امنیتنی تامین قیلگنی بارهسیده ادعا قیلیشیگه قرهمهی، جنایی جرم و قتللر دوامی بار.
فقط سۉنگی بیر نیچه کون ایچیده هراتده کمیده اوچ قتل حادثهسی یوز بېرگنی گزارش قیلیندی.
