آسترلیا تشقی ایشلر وزیرلیگی اوشبو مملکت افغانستان بۉییچه ینگی چېکلاو تیزیمینی جاري قیلیب، تۉرت یوقاری مرتبهلی طالبان اعضالرینی عیاللرگه، قیزلرگه و آزچیلیک گروهلرگه ظلم قیلگنلیک، شونینگدېک، یخشی حکومت و قانون اوستوارلیگینی ضعیفلشتیریشده عیبلب، چېکلاو قۉیگنینی اعلان قیلدی.
بوگون، (شنبه، ۱۵ قوس) آسترلیا تشقی ایشلر وزیرلیگینینگ بیاناتیده، امربه معروف و نهی از منکر وزیری محمد خالد حنفی، عالی اۉقوو وزیرلی ندا محمد ندیم، عدلیه وزیری عبدالحکیم شرعی و طالبلر عالی محکمهسی باشلیغی عبدالحکیم حقّاني آسترلیا چېکلاولری رۉیخطیگه کیریتیلگن.
بیاناتگه کۉره، اوشبو شخصلردن آسترلیاگه کیریشی منبع قیلینگن و اولر یاکه اولرنینگ نظارتی آستیدهگی تشکیلاتلر بیلن هر قندهی همکارلیک جنایت حسابلنهدی.
آسترلیانینگ ینگی چېکلاو تیزیمی تشقی ایشلر وزیریگه افغانستانگه عاید مېزانلرگه موافق، «اې-1» بندی اساسیده شخص یاکه تشکیلاتنی چېکلاوگه تارتیش و سیاحتیگه تعقیق قۉییش حقوقینی بېرهدی.
اوشبو تیزیم قورال سوداسی بۉییچه چېکلاولرنی، شونینگدېک، افغانستانگه عاید خدمتلر و فعالیتلرنی منع قیلیشنی هم اۉز ایچیگه آلهدی.
شونینگدېک، آسترلیا افغانستانگه «مخفي» توردهگی انسانپرورلیک رخصتنامهسی چیقریب، چېکلاولر دایرهسیده چېکلنیشی ممکن بۉلگن بعضی انسانپرورلیک فعالیتلرینی عملگه آشیریشنی آسانلشتیرگن.
آسترلیا طالبان نینگ یوقاری مرتبهلی یېتکچیلرینی عیاللرگه، قیزلرگه و اېتنیک همده مذهبی آزچیلیکلرنی آیاق آستلی قیلگنی اوچون چېکلاوگه تارتگن بیرینچی دولت بۉلدی.
طالبان افغانستانده حاکمیتنی قَیته قۉلگه کیریتگنیدن سۉنگ، عیاللرگه و قیزلرگه کېنگ کۉلملی چېکلاولر جاري قیلگن و اولرنی تعلیم و ایش حقوقیدن محروم قیلگن.
اوشبو گروه شونینگدېک، اېتنیک گروهلرنی، جملهدن هزارهلرنی کېنگ کۉلمده سرکوب قیلگنلیکده عیبلنهدی.
طالبان نینگ یوقاری مرتبهلی اعضالری کۉپینچه بیرلشگن ملتلر تشکیلاتی نینگ خوفسیزلیک کېنگشی چېکلاولری آستیده بۉلیب، سیاحتگه تعقیق قۉییلگن. شونگه قرهمهی، سۉنگگی تۉرت ییل دوامیده بعضی دولتلر بیرلشگن ملتلر تشکیلاتی سیاحت اوچون استثنا آلیش آرقهلی طالبان یوقاری مرتبهلی رسمیلریگه
