افغانستانلیک سیاسی و حربی تحلیلچی، تاریخ محققی، یازوچی ایکّی تیللی شاعر رحمتلی استاد اسدالله ولوالجینینگ خاطرهسینی اېلش مناسبتی بیلن تیناوون (پنجشنبه ۱۳ قوس) تهرانده فرهنگی بیر ییغین اۉتکزیلدی.
تهراننینگ عمارت بلخ فرهنگی تشکیلاتیده اویوشتیریلگن مذکور فرهنگی ییغینده ایرانده استقامت قیلهدیگن بیر قنچه افغانستانلیک یازوچی، شاعر، محقق و محصللر اشتراک قیلگن اېدیلر.
شونینگدیک اوشبو ییغینده ایرانده استقامت قیلووچی افغانستانلیک یازوچی، محقق، شاعر محمد کاظم امینی رحمتلی استاد اسدالله ولوالجی تۉغریسیده تیارلهگن اۉزینینگ تحقیقی مقالهسینی اۉقیب اېشیتتیردی.
امینی، رحمتلی اسدالله ولوالجینینگ حیاتی، اثرلری قۉشیمچه او کیشینینگ افغانستان مدنیتی و فرهنگی اوچون اۉزیدن قالدیرگن قیلمتلی اثرلری اوستیده تۉختلدی.
شونینگدیک دنیانینگ ایریم مملکتلریدن داکترسیدمحمد عالم لبیب، استاد عبدالغفار صفا و رحمتلی اسدالله ولوالجینینگ اوغلی حسیبالله ولوالجیلرنینگ یازیب یوبارگن صحبتلری نشر قیلیندی. اولر، رحمتلینینگ حیاتی، سیاسی و حربی تحلیلچیلیگی، تاریخ بۉییچه محققلیگی، شعریتی همده فرهنگی ساحهدهگی اولکن فعالیتلری اوستیده گپیردیلر.
افغانستانلیک اتاقلی سیاسی و حربی تحلیلچی همده تاریخ محققی رحمتلی استاد اسدالله ولوالجی بوندن اوچ ییل آلدین توغیلگن ولایتی تخارنینگ رستاق اولسواللیگیده وفات قیلگن اېدی.
