تاجیکستان تشقی ایشلر وزیرلیگی رویترزنینگ تاجیکستاننینگ افغانستان بیلن عمومي چېگرهنی نظارت قیلیش اوچون روسيهدن یاردم سۉرهگنی حقیدهگی خبرینی رد اېتدی.
وزیرلیک بوگون (چارشنبه ۱۲ قوس) اۉزینینگاعلان قیلگن بیاناتیده ایتیشیچه، بوندهی اساسسیز معلوماتلرنینگ ترقهتیلیشی خلق ارا مخاطبلرنی چلغیتهدی.
تاجیکستان تشقی ایشلر وزیرلیگینینگ تأکیدلشیچه، مملکتنینگ دولت چېگرهسیدهگی وضعیت برقرار و محلي رسميلر تامانیدن تۉلیق نظارت آستیده.
رویترز اوچته خوفسیزلیک منبعیگه تیهنگن حالده، اۉتگن هفته افغانستان توپراغیدن اویوشتیریلگن هجوملردن سۉنگ تاجیکستان چېگرهلرینی حمایه قیلیش اوچون روسيهدن یاردم سۉرهگنی حقیده خبر ترقتگندی.
یېتکرمه، تاجیکستان رسميلری افغانستان بیلن چېگره بۉیلب تاجیک و روسيهلیک کوچلرنینگ قۉشمه نوبتچیلیگینی جاري اېتیش احتمالی حقیده مذاکره آلیب بارگن.
تاجیکستان جمهورلیک ریاستی، اۉتگن هفته افغانستان توپراغیدن ایکّی هجوم صادر بۉلگن، نتیجهده بېش نفر چین وطنداشی هلاک بۉلگن، ینه بېش کیشی یرهلنگنینی بیلدیرگن.
چین هم اۉز وطنداشلریگه قیلینگن هجومنی تصدیقلهگن و اولرنی تاجیکستان-افغانستان چېگرهسی حدودلرینی ترک اېتیشگه چقیرگن.
