بیرلشگن ملتلر تشکیلاتی اهالینی جایلشتیریش دستورینینگ ایتیشیچه، افغانستان شهرلریده نا رسمی تورر-جایلر تېز سرعتده کۉپهییب بارماقده و خدمت کۉرسهتیشنینگ اۉزی جدّي قیینچیلیکلرگه دوچ کېلماقده.
اوشبو دستور بوگون (چهارشنبه،۱۲ قوس) ایکس ترماغیده یازیشیچه، شهرلر اقتصادلرنینگ موتوری دیر، بیراق افغانستانده شهرلر یېترلی درجهده سرمایه آلمهیپتی.
دستورنینگ قۉشیمچه قیلیشیچه، «بیز منبعلرنی کۉپهیتیریشیمیز و قابلیتلرنی مستحکملشیمیز کېرهک، شونده شهرلر اجتماعي و اقتصادي ترقیاتنینگ حرکتلنتیرووچی کوچی بۉلیب قالهدی.»
بیرلشگن ملتلر تشیکلاتینینگ اوشبو دستوری حاضرگچه افغانستاننینگ بیر نېچه شهرلریده رېجهسیز کېنگهییش حقیده بیر نېچه بار آگاهلنتیریب کېلگن.
اولرنینگ ایتیشیچه، رېجهسیز شهر رواجی اهالینینگ چېکّهلشوویگه، خدمتلرگه اېریشیشنینگ کمهییشیگه و یشاووچیلر اوچون باشقه کۉپلب معمالرگه سبب بۉلماقده. مهاجرلرنینگ قۉشنی دولتلردن چیقریلیشی آرتیدن شهر بحرانی ینه-ده کوچهیگن. حاضرده اوی-جای تنقیسلیگی، جملهدن پایتخت کابلده، جدّي درجهگه یېتگن. یشاوچیلرنینگ ایتیشیچه، اوی تاپیش جوده قیینلشگن، اجاره نرخلری اېسه آسمانلب کېتگن.
