طالبلر عالی محکمهسی کابل و هلمندده ۱۷کیشی اوستیدن عامهحضوریده شلاقلش حکمی اجرا قیلینگنیدن خبر بېردی.
عالی محکمهنینگ بیر اعلامیه نشر قیلیب ایتیشیچه، ۱۵ کیشی بوگون (یکشنبه ۹ قوس) کابلده نشه قیلووچی تابلیتلر، شیشه وچرسگه عیبلهنیب عامهحضوریده شلاقلنگن.
طالبان عالی محکمهسی نینگ اعلامیهسیده بو کیشیلر ۱۰دن۲۰گچه شلاق اوریلگن و یېتّی آیدن ایکّی ییل و آلتی آیگچه آزادلیکدن محروم اېتیلگن.
طالبلر عالی محکمهسی باشقه بیر اعلامیهده ایتیشیچه، باشقه ایکّی نفر اېسه هلمندنینگ موسی قلعه اولسواللیگیده «زنا» عیلاوی بیلن عامهحضوریده شلاقلنگن.
اوشبو محکمهنینگ قۉشیمچه قیلیشیچه، بو کیشیلردن بیری ۲۰ شلاق و باشقه بیری اېسه ۳۹ شلاق اوریلگن.
طالبلر عالی محکمهسی بیرینچی کیشی ایکّی آی تنفیذی حبس و ایکّینچی شخص آلتی ای تنفیزی حبس گه محکوم قیلگن دېب قۉشیمچه قیلدی.
طالبلر افغانستانده قیتهدن حاکمیتگه کېلگن بېری تورلی عیبلاولر بیلن آدملرنی عامه حضوریده شلاقلهگن و اۉن کیشینی یوزلب تماشاچی حضوریده دارگه آسگن.
انسان حقوقلری بۉییچه خلق ارا تشکیلاتلر اعدام و بدنی جزالهنیشنی خلق ارا قانونگه قرشی انسانی کرامت گه ضد دېب، بو وضعیت تۉختهتیلیشینی سۉرهگن.
