هراتده طالبلر والیسینینگ دفتری جاری قویاش ییلنینگ بیرینچی یېتّی آییده ۵۷ میلیون ۷۰۳مینگ و ۱۹۴ دالرلیک قوروق میوه مذکور ولایتدن دنیا مملکتلریگه صادر قیلگنینی معلوم قیلدی.
هراتده طالبلر والیسینینگ سۉزلاوچیسی محمدیوسف سعیدی بوگون (یکشنبه ۹ قوس) ایکس ده یازیشیچه هرات قوروق میوهسینی صادر قیلیش ارزشی اۉتگن ییل نینگ عین وقتیگه کۉره اوچ برابر آشگن دیر.
اونینگ قۉشیمچه قیلیشیچه، یېتّی آی آلدین هرات ولایتیده ۱۹ مینگ و ۹۷۱تُن قوروق میوه صادر قیلینگن اېدی.
هراتده طالبلر والیسینینگ سۉزلاوچیسی، اوشبو مقداردهگی قوروق میوره دنیانینگ ۲۰ دن آرتیق مملکتی جملهدن اتریش، بلجیم، کانادا، هالند، جرمنی، امریکا، ایران، قطر، ترکیه، هند سعودیه عربستانیگه صادر قیلینگن.
چېت اېلگه صادر قیلینگن محصولات بادام، پسته، قوروق انجیر، اۉریک، تورلی خیل مهییز، آلوبخارا، پسته مغزی، ینگاغ، ممپلی و قاوریلگن نخوددن عبارت دیدی والیسی سۉزلاوچیسی.
قوروق میوه افغانستان نینگ مهم صادراتی تاورلریدن حسابلنهدی بونینگ کته قسمی هوایی دهلیز آرقلی هند، ترکیه و بیرلشگن عرب امیرلیگی و او یېردن دنیانینگ بیر قنچه مملکتلریگه صادر قیلینهدی.
