طالبلر اېکینچلیک، چارواچیلیک و سوغازیش وزیرلیگی اۉزبېکستان اېکینچیلیک وزیرلیگینینگ اۉرین باسری «جمشیدعبدوذوکروف» باشچیلیگ قیلگن هایت گوشت ساتیب آلیش مقصدیده کابلگه کېلگنینی بیلدیردی.
مذکور هیات بوگون (یکشنبه ۹ قوس) طالبلر اېکینچلیک وزیرلیگینینگ اۉرین باسری صدراعظم بیلن اوچرهشگنده ایتیشیچه، اولرنینگ کابلگه قیلگن سفردن مقصدی «گوشت ساتیب آلیش، فاریاب ولایتیده باغلر ایجاد قیلیش و بذری تخم بۉلیمیگه همکارلیک قیلیش» دیر.
اۉزبېکستان اېکینچیلک وزیرلیگینینگ معاونی مملکتی افغانستانده زراعتی تورلی ساحهلرده مناسبتلرنی کېنگهیتیریشنی خواهلشندی تیلگه آلدی.
اونینگ ایتیشیچه، هر ایکّی مملکت اۉرتهسیدهگی تجاری آلدی ساتدی سۉنگّی ییللرده ۴۱۰ دن ۶۱۰ میلیون دالرگه آشگن.
شونینگدیک طالب اېکینچیلیک وزیرلیگینینگ معینی افغانستان و اۉزبېکستاننینگ تاریخی علاقهسی بار و اوشبو وزیرلیک هر ایکّی مملکت ارا کۉپراق اقتصادی همکارلیکلرنی یقینلشتیریشگه اولگورهدی دېگن.
بوندن آلدین بلخ ولایتیده طالبلر والیسی نینگ دفتری افغانستان اېکینچیلیک محصولاتی اۉزبېکستان نینگ هوا همده قوروقلیگی آرقهلی مرکزی اسیا و باشقه مملکتلرگه بازاریگه صادر قیلینهدی دېگن اېدی.
والی دفتری افغانستاندن اۉزبېکستانگه گوشت و کۉمیر صادر قیلینیشی بۉییچه شرطنامه امضالنگنیدن خبر بېرگن اېدی.
طالبلر و پاکستان اۉرتهسیده کېسکینلیکلر آشگن بیر پیتده افغانستان و اۉزبېکستان نینگ ایکّی تامانلمه اقتصادی تعاملی کېنگیماقده.
