بیرلشگن ملتلر تشکیلاتینینگ مخصوص گزارشگری ریچارد بنت، انسان حقوقلری وضعیتی بۉییچه صحبتلر اۉتکزیش مقصدیده تۉرت کونلیک سفر بیلن قطر پایتختی دوحهگه کېتیشینی معلوم قیلدی.
او بوگون، (یکشنبه ۹قوس) ایکس اجتماعی ترماغیده یازیشیچه، سفرده قطر رسميلری، خلق ارا دیپلوماتلر و افغانستان وطنداشلری بیلن اوچرهشیش رېجهلشتیریلگن.
بنت جنابلرینینگ مذکور سفری ۴-۱ دسامبر ۲۰۲۵- ییل آرهلیغیده بۉلیب اۉتهدی.
بیرلشگن ملتلر تشکلاتینینگ انسان حقوقلری ادارهسی، بنت قطر حکومتی رسميلری، افغانستان وطنداشلری و قطرده جایلشگن خلقارا همجعیت و نمایندهلری بیلن اوچرهشیب، منطقه و اوندن تشقریدهگی دولتلر افغانستان اهالیسینینگ حقوقلرینی حمایه قیلیش اوچون قندهی چارهلر کۉریشی ممکنلیگینی محاکمه قیلهدی دېگن.
ادارهنینگ قۉشیمچه قیلیشیچه، بنتنینگ منطقهگه سفری اونینگ افغانستاندهگی وضعیتگه موافق جواب چارهلرینی ایشلب چیقیش و «برچه واسطهلر» یاندشووی آرقهلی بوتون افغانستان یشاووچیلری حقوقلرینی یخشیلش یۉللرینی محاکمه قیلیشگه دایمي سعی-حرکتلرینی عکس اېتتیرهدی.
بیرلشگن ملتلر تشکیلاتینینگ انسان حقوقلری کېنگشی ۲۰۲۵-ییل اکتوبریده، افغانستان بۉییچه مخصوص گزارشگری ماموریتینی اوزهیتیرگن. طالبان اونینگ افغانستانگه سفرینی منع قیلگن، لېکن بنت انسان حقوقلری بۉییچه کېنگشگه افغانستاندهگی وضعیت حقیده گزارش بېرهدی.
