پاکستان اردوسی مطبوعات سۉزلاوچیسی احمدشریف چودری، طالباننینگ پاکستان چېگرهسیدهگی کوچلرگه قرهته سببسیز اۉق اوزیشلری «ترورچیلرنینگ مملکت توپراغیگه کیریشی اوچون شرایط یرهتماقده» دېیه تأکیدلهگن.
جیونیوز خبریگه کۉره، چودری جمعه کونی توشدن کېین خبرچیلر بیلن صحبتده، «چېگرهلر هر دایم ایکّی تامانلهمه حمایهلنهدی. باشقه تامانده اېسه بیر دولت بار، او دستلب پُستهلرینی سیزنینگ پُستهلرینگیز بیلن اۉت المشیش آرقهلی تۉقنهشووگه کیریشتیرهدی، اۉت المشینووی باشلنهدی و کېین اولر (ترورچیلرنی) بو بۉشلیقلردن اۉتکزهدی.»
سۉنگّی تۉرت ییل ایچیده طالبان و پاکستان چېگرهچیلری بیر نېچه بار تۉقنشگن.
پاکستان رسميلری افغانستان توپراغیدن جملهدن تیتیپی اعضالری کبی پاکستانگه قرهشلی قوراللنگن گروهلر کیریب کېلیشینی بیلدیرهدی.
«فزیکی تۉسیقلر چېگرهوي کیریشنی تۉلیق آلدینی آلالمهیدی. اگر چېگرهوي دېوار کوزهتوو و اۉق بیلن قاپلنمسه، بیر نېچه دقیقهده بوزیلیشی ممکن.» دېب قۉشیمچه قیلدی چودری.
چېگره نظارتینی دایمي پهپاد بیلن کوزهتیش، هر بیر نېچه کیلومترده مستحکم پُستهلر همده انسانی منبعلرگه کتّه سرمایه کیریتیش بیلن ممکن اېکنینی تیلگه آلگن.
«اگر کیمدیر تۉسیقنی یۉق قیلماقچی بۉلسه یاکه کۉپریک قورماقچی بۉلسه، بو فقط بېش دقیقه دوام اېتیشی ممکن. بونگه قرشی کورهشیش اوچون هر بیر نېچه کیلومترده مستحکملیک و دایمي کوزهتوو ضرور، بو اېسه کتّه خرجت طلب قیلهدی.»
پاکستان رسميلریگه کۉره، طالبان افغانستانده پاکستانلیک گروهلرگه باشپناه بېریب کېلماقده.
اسلام آباد طالباندن بیر نېچه بار تیتیپینی نظارت قیلیشنی سۉرهگن؛ اما طالبان تیتیپینی پاکستان ایچکی معماسی دېب بیلهدی و طالبان بیلن باغلیقلیگینی انکار قیلهدی. شونگه قرهمهی، پاکستان رسميلری اېندی افغانستان طالبانیدن ایجابي حرکت کوتمسلیکلرینی بیلدیرگن.
