ایران پایتختی تهران شهریده بیر قنچه مدنی فعاللر، تهران بیلیم یورتی محصللری، اکادمیک کیشیلر، صنعتکارلر، ضیالیلر و سپورتچیلر اشتراکیده “افغانستانده تورکی خلقلر کېلهجک وضعیتیگه بغیشلنگن” ییغین اۉتکزگنلر.
اوشبو ییغینده چقیش قیلیب نطق سۉزلهگن محصللر همده ضیالی کیشیلر افغانستانلیک اۉزبېک و تورکمنلرنینگ حاضرگی وضعیتینی، موجود قیینچیلیکلری همده کېلهجده رۉپه ره بۉلیب تۉرگن ایریم معمالری اوستیده گپیردیلر.
شونینگدېک صحبت قیلگنلر افغانستانلیک اۉزبېک و تورکمن خلقلرینینگ مدنی اجتماعی موقعینی مستحکملش یۉللری بارهسیده بحث قیلیب فکر المشتیردیلر.
عین حالده، مذکور ییغیلیشده اۉزلیگینی اسرهب اویلیش، یاش نسلنینگ بیلیم قابلیتینی کوچهیتریش همده ضیالیلر اۉرتهسیده همجهتلیکنی مستحکملش حاضرگی شرایط اوچون مهم موضوعلردن بۉلگنی اوستیده علیحده تاکیدلهگنلر.
باشقه تاماندن ییغین اشتراکچیلری افغانستانده خاتین – قیزلرنینگ اۉقیش و ایشلشدن محروم اېتیلگنی بارهسیده اشاره قیلیب، بو وضعیت دوامی مملکتنینگ بوگون و کېلهجگی اوچون جبران قیلینمهیدیگن بیر آغریق دېدیلر.
شونینگدېک ییغین اداغیده، کېلهجکده علمی همده مدنی دستورلرنی یخشی بیر صورتده ریجهلشتیریش اوچون بیر ایشچی گروه توزهتیش اوستیده کېلیشب آلگنلر.
