تاجیکستان تشقی ایشلر وزیرلیگینینگ معلوم قیلیشیچه، افغانستان توپراغیدن اویوشتیریلگن قوراللی هجوم عاقبتیده ختلان ولایتیده اوچ نفر چین وطنداشی اۉلدیریلگن.
وزیرلیک بیاناتیده ایتیلیشیچه، هجوم تیناوون (چهارشنبه ۵ قوس) «شاهین اسامالالسی» شرکتی خادملریگه قرشی صادر اېتیلگن.
بیاناتده قید اېتیلیشیچه: «اۉقاتر قورال و نارنجک تشووچی پهپاریاردمیده عملگه آشیریلگن بو هجوم نتیجهسیده «شاهین اسامالالسی» شرکتینینگ اوچ نفر خادمی اۉلدیریلگن اولرنینگ برچهسی چین وطنداشی بۉلگنی معلوم قیلیندی.
وزیرلیکنینگ قۉشیمچه قیلیشیچه، «تاجیکستان تامانی چېگرهده خوفسیزلیکنی تأمینلش و تاجیکستان-افغانستان چېگره حدودلریده اۉزارا منفعتلی همکارلیک محیطی یرهتیش اوچون منتظم حرکت قیلهیاتگن بۉلسه-ده، قۉشنی مملکت توپراغیده فعالیت یوریتهیاتگن جنایتکار گروهلر چېگرهدهگی وضعیتنی بېقرارلشتیریشگه قرهتیلگن حرکتلرینی دوام اېتتیرماقده.»
تاجیکستان تشقی ایشلر وزیرلیگی بو«جنایتچی گروهلر»نینگ قبیح عمللرینی قتّيق قارهلب، چوقور تشویش بیلدیردی. وزیرلیک طالبان حاکمیتیدن ایکّی قۉشنی دولتنینگ دولت چېگرهلریده برقرارلیک و خوفسیزلیکنی تأمینلش اوچون ثمرهلی چارهلر کۉریشنی طلب قیلگن.
طالبان حاضرچه تاجیکستان تشقی ایشلر وزیرلیگینینگ بو بیاناتیگه جواب بېرمهگن.
بو هجوم طالبلر نمایندهلریدن عبارت، بدخشانده حاکملیک قیلهیاتگن والی باشچیلیگیدهگی بیر هیئت تاجیکستانگه سفر قیلگن بیر وقتده صادر بۉلگن.
