طالبان نینگ بلخدهگی امنيه قوماندانلیگی معلوم قیلیشیچه، اوروشدن قالگن بیرته هاوان اۉقی پارتلشی عاقبتیده نهرشاهی اولسواللیگیده اوچ باله هلاک بۉلگن، ینه ایکّی باله یرهلنگن.
قوماندانلیکنینگ ایتیشیچه، حادثه بوگون( چهارشنبه ۵ قوس) نهرشاهی اولسواللیگیده یوز بېرگن.
رسمی معلوماتگه کۉره، بالهلر اۉشه قالگن هاوان اۉقی بیلن اۉینهیاتگن وقتده پارتلش یوز بېرگن. بالهلر تاش بیلن اۉقنی اوریشگنیدن کېین او پارتلب کېتگن.
افغانستاننینگ تورلی ولایتلریده اوروشدن قالگن ماینلر و پارتلاوچی مادّهلر کۉپ باره بالهلر حیاتیگه ضامن بۉلگن.
قریب قیرق ییللیک اوروشلر نتیجهسیده افغانستان یېرلرینینگ کتّه قِسمی ماینلر و پارتلاوچی مادّهلر بیلن افلاسلنگن.
بیرلشگن ملتلر تشکیلاتی معلوماتیگه کۉره، افغانستانده ۳ میلیون۳۰۰ مینگ کیشی ماینلر و پارتلاوچی مادّهلر بیلن افلاسلنگن منطقهلرنینگ بیر کیلومتر ایچیده یشهیدی.
