طالباننینگ صنعت و تجارت وزیری نورالدین عزیزی،هندگه قیلگن سفریده اوشبو دولتنینگ «دارو صادراتینی رواجلنتیریش کېنگشی» اعضالری بیلن اوچرهشیب، اولر بیلن ملاقات قیلدی.
طالبان نینگ صنعت و تجارت وزیرلیگی بوگون (شنبه، ۱ قوس) ترقهتگن بیاناتیده، اوچرهشووده هندنینگ داروسازلیک صناعتی نمایندهلریدن عبارت بیر هیئت افغانستانده دارو ایشلب چیقریش شرکتلرینی تشکیل اېتیش و دارو صادراتینی رواجلنتیریش امکانیتلرینی اۉرگنیش اوچون کابلگه سفر قیلیشی بارهسیده کېلیشووگه اېریشیلگنینی بیلدیرگن.
افغانستان هیئتی هم دهلیگه باریب، هندنینگ ایلغار و نفوذلی داروسازلیک کمپنیلرینی کۉزدن کېچیرهدی دېب قۉشیمچه قیلگن.
معلوماتگه کۉره، هندنینگ دارو صادراتینی رواجلنتیریش کېنگشی افغانستان بیلن همکارلیکنی کېنگهیتیریشگه و دارولر صادراتتینی آشیریشگه قیزیقیش بیلدیرگن.
نورالدین عزیزی اوچرهشووده کېنگش اعضالرینینگ سواللریگه و تشویشلریگه جواب بېرگن همده هندنینگ نفوذلی داروسازلیک کمپنیلرینی قۉللب-قوّتلشگه طالبان تیار اېکنینی بیلدیرگن مذکور وزیرلیک.
طالبان پاکستان بیلن سیاسي و چېگره معمالری کوچهیگنیدن سۉنگ، اوشبو مملکتدن دارو آلیب کېیلیشنی منبع قیلگن و حاضرده مقابل یۉنهلیشلرنی ایزلهماقده.
طالبان باش وزیرینینگ اقتصادي مسألهلر بۉییچه اۉرینباسری عبدالغنی برادر افغانستاننینگ دارو آلیب کېلیووچیلریگه اوچ آی مدت بېرگن. اولر شو وقت ایچیده پاکستان کمپنیلری بیلن حساب-کتابلرینی تۉلیق یاپیشی کېرهک، شوندن سۉنگ پاکستاندن دارو آلیب کېلیش بوتونلهی منبع قیلینهدی.
