طالبان باشقروویدهگی برشنا شرکتی ۲۰۲۶-ییل اوچون اۉزبېکستان بیلن برق وارداتی شرطنامهسی اوزهیتیریلگنینی اعلان قیلدی.
شرکت بوگون (پنجشنبه، ۲۹ عقرب) ترقهتگن بیاناتیده ایتیشیچه، اۉزبېکستاندن وارد قیلینهیاتگن برق مملکت نینگییریک شهرلریده، جملهدن کابلده، احتیاج نینگ اساسي قِسمینی تأمینلهیدی.
برشنانینگ قۉشیمچه قیلیشیچه، شرطنامهنینگ اوزهیتیریلیشی نهفقط کېلگوسی ییل اوچون ضرور بۉلگن برق انرژیسی تأمیناتینی کفالتلهیدی، بلکه اقتصادي اۉسیش، سرمایه جلب قیلیش و ینگی برق آستقورمهلرینی رواجلنتیریش اوچون زمین یرهتهدی.
شرکتنینگ تأکیدلشیچه، جاري ییلده اۉزبېکستان شرکتلری بیلن قیمتی۲۴۳میلیون دالر بۉلگن تۉرتته مهم کېلیشوو امضالنگن بۉلیب، اولر افغانستان نینگ برق انرژیسینی مستحکملشده مهم رۉل اۉینهیدی.
افغانستان نینگ برق انرژیسی قۉشنی دولتلر حسابیدن تأمینلنهدی. وارد قیلینهیاتگن برق مملکت احتیاجینی تۉلیق قاپلهی آلمهیدی. حاضرده افغانستان شهرلریده برق فقط چېکلنگن ساعتلرده موجود، قیشلاقلرنینگ اکثریتی اېسه حلی هم برق ترماغیگه اولنمهگن.
