آلمان ایچکی ایشلر وزیرلیگینینگ معلوم قیلیشیچه، حاضرگه قدَر۶۲ کیشیافغانستانلیک مهاجر اوشبو مملکت نینگ «پول عوضیگه مهاجرتیدن واز کېچیش» پیشنهادینی قبول قیلگن.
دویچهوله نینگ گرازشیگه کۉره، ایچکی ایشلر وزیرلیگینینگ سۉزلاوچیسی حلی قرار چیقرمهگن شخصلر بیلن علاقهلر دوام اېتتیریلهیاتگنینی ایتگن.
آلمان فدرال حکومتی افغانستاندن کېلگن و قبول قیلینیشیگه وعده بېریلگن۶۰۰ دن آرتیق مهاجرلرگه، پول بېریش عوضیگه آلمانگه کۉچیب اۉتیش فکریدن قَیتیشنی پیشنهاد قیلگن اېدی.
اوشبو مهاجرلردن بیرینینگ اطلاعات روزگه ایتیشیچه، اونگه و بېش نفر عایله اعضاسیگه پاکستانده۲ مینگ یورو، افغانستانگه یېتیب بارگنیدن سۉنگ اېسه ینه تۉقیز مینگ۵۰۰ یورو بېریش پیشنهاد قیلینگن.
۶۲ کیشی بو پیشنهادنی قبول قیلگن بۉلسه-ده، باشقهلر اونی «اۉلیم بیلن تېنگ» دېب بهالهماقده.
طالبان نینگ قَیته حاکمیتگه کېلیشیدن سۉنگ، آلمان مینگلب افغانستانلیکلر جملهدن، اۉزینینگ حربي و مدنی ادارهلری بیلن ایشلهگن افغانلرگه قبول قیلیش وعدهسینی بېرگن اېدی.
شونگه قرهمهی، تۉرت ییل اۉتگن بۉلسه هم، حلی هم قریب ایکّی مینگ کیشی، جملهدن، آلمان نینگ جیآیزید تشکیلاتی خادملرینینگ بیر قِسمی، پاکستانده ناانیق و آغیر وضعیتده قالماقده.
