دنیا ساغلیقنی سقلش تشکیلاتینینگ معلوماتلریگه کۉره، افغانستاننینگ شِمالیده یوز بېرگن زلزله نتیجهسیده۲۶ کیشی هلاک بۉلگن، بیر مینگ۱۷۲ کیشی جراحتلنگن و اوچ مینگ۵۲۰ اوی ویران بۉلگن.
تشکیلات بوگون (سهشنبه، ۲۷ عقرب) اعلان قیلگن گزراشیده، اوشبو زلزله۲۱ ته ساغلیقنی سقلش مرکزیگه، جملهدن «بلغلی» بیرلمچی طبي خدمت مرکزیگه، سمنگان ولایتی ولایت شفاخانهسیگه و سمنگان، بازار سوخته محلي شفاخانهسیگه ضرر یېتکزگنینی بیلدیرگن.
گزارشگه کۉره، سمنگان ولایتیده ویران بۉلگن اویلر سانی ایبک شهریده ولایت مرکزی ۶۹۶ اوی، فیروز نخجیر اولسواللیگی۶۱۱ اوی، حضرت سلمان اولسواللیگیده ۷۸۸ اوی، خلم اولسواللیگیده ۶۸۰ اوی، درهصوف پایین اولسواللیگیده ۱۳۵ اوی دره صوف بالا اولسواللیگیده ۲ اوی بوزیلگن.
شونینگدېک دنیا ساغلیقنی سقلش تشکیلاتیگه کۉره، بلخ ولایتیده ویران بۉلگن اویلر سانی شولگره اولسواللیگیده ۲۳۳ اوی، مزار شریف شهریده ۲۰۲ اوی، چهارکېنت اولسواللیگیده ۶۱ اوی، چېمتال اولسواللیگیده ۴۸ اوی، مارمول اولسواللیگیده ۲۴ اوی وزری اولسواللیگیه۱۶ اوی ویران بۉلگن.
تشکیلات زلزلهگه درحال جواب بېریش مقصدیده، ضرور طبي جهازلر و طبیات جماعهلرینی ضرر کۉرگن حدودلرگه یوبارگنینی بیلدیرگن. تشکیلات حدودده۱۰ته تیم ساغلیقنی سقلش و آزیقلنتیریش جماعهسی فعالیت یوریتهیاتگنینی، ینه 9 ته جماعه فوق العاده حالتگه تیار توریب، بیرلمچی اوستوار وظیفهلرنی بجریشینی معلوم قیلگن.
دنیا ساغلیقنی سقلش خادملری سانی نینگ چېکلنگنلیگی و کتّه اهالی زیچلیگی، شونینگدېک، روحي سلامتلیک و اجتماعي- روانی قۉللب-قوّتلشگه محتاج اهالی سانی نینگ کۉپلیگی کبی معمالرنی قید اېتگن.
تشکیلات، شونینگدېک، اوی-جایینی یۉقاتگن عایلهلرگه بیرلمچی ساغلیقنی سقلش و روحي یاردم کۉرسهتیش، کۉپ سانلی جبرلنگنلرگه خدمت کۉرسهتیش مرکزلریده صلاحیتنی آشیریش و جواب بېریش همده حمایه چاره-تدبیرلرینی کوچهیتیریشنی ضرور دېب حسابلهیدی.
اوشبو۶.۳ریشتر زلزله شو آی نینگ ۱۱- کونیده مملکت شِمالیدهگی ولایتلرنی لرزهگه سالگن.
زلزله مرکزی سمنگان ولایتی خلم تومنی بۉلگن و باشقه بیر قنچه ولایتلرگه، جملهدن، بلخ، قوندوز، سرپل، بغلان و جوزجان ولایتلریگه هم تلفات یېتکزگن.
اوشبو زلزله مملکت شرقیده صادر بۉلگن و تخمیناً ایکّی مینگ نینگ حیاتیگه ضامن بۉلگن و اوچ مینگ دن آرتیق کیشی نینگ جراحت آلگن زلزلهدن تخمیناً بیر آی اۉتیب یوز بېرگن.
