پاکستان اوردوسی مطبوعات خدمتینینگ خبر بېریشیچه، خیبر پختونخوا ایالتینینگ دیره اسماعیلخان و شمالي وزیریستان منطقهلریده اۉتکزیلگن ایکّی عملیاتده، جملهدن گروهنینگ بیر قوماندانی هم بۉلگن،۱۵ کیشی پاکستان طالبانی اعضاسی اۉلدیریلگن.
اوردوگه کۉره، چیتاېللیک جنگریلرنینگ منطقهده موجودلیگی حقیده آلینگن خبرلر اساسیده کولاچی اولسواللیگینینگ عمومي حدودیده خوفسیزلیک کوچلری تامانیدن اطلاعات عملیاتی اۉتکزیلگن و نتیجهده۱۰ کیشی ترورچی، جملهدن اولر نینگ یېتکچیسی عالم محسود اۉلدیریلگن بۉلگن.
شمالي وزیریستاننینگ داتهخیل منطقهسیده اۉتکزیلگن باشقه اطلاعات عملیاتیده اېسه ینه بېش نفر ترورچی اۉلدیریلگن دېب ایتیلگن بیاناتده.
پاکستان اوردوسینینگ معلوم قیلیشیچه، تازهلش عملیاتی دوام اېتماقده، چونکه «قطعیتلی قرار» ناملی تېرریزمگه قرشی تۉختاووسیز کورهش کمپاینی خوفسیزلیک کوچلری و پاکستان قانون اجرا اېتووچی تشکیلاتلری تامانیدن تۉلیق تېزلیک بیلن دوام اېتتیریلهدی، مقصد اېسه چېت اېلّیک قۉللب-قوّتلشی آستیدهگی ترورچیلیک تهدیدینی مملکتدن یۉق قیلیشدیر.
پاکستان رسميلرینینگ ایتیشیچه، مملکت شِمال-غربیده هجوملر طالبان حاکمیتگه قَیتگندن کېین کۉپهیگن.
اسلامآبادنینگ تأکیدلشیچه، جملهدن پاکستان طالبان گروهی، افغانستان توپراغیدن اوشبو مملکتگه قرشی فایدهلنماقده.
پاکستان حکومتی بیر نېچه بار افغانستاندهگی طالباننی پاکستان طالبانینی نظارت قیلیشگه چقیرگن، اما طالبان مأموریتی افغانستان توپراغیدن فایدهلنیشنی انکار قیلماقده.
پاکستان حکومتی و طالبان یقینده چېگره ماجرایدن سۉنگ مذاکرهلر اۉتکزگن، اما اوشبو مذاکرهلر نتیجهسیز توگهگن.
