طالبلر ایچکی ایشلر وزیرلیگینینگ ایتیشیچه، مخدرمادهگه قرشی کورهش بۉلیمی اۉن یېتی مینگ ۲۵۰ته گیاهوندلیک تابلتنی کابل شهریدن تاپیب، مصادره قیلگن.
وزیرلیک بوگون (یکشنبه، ۲۵ عقرب) اعلان قیلگن بیاناتیده، اوشبو تابلتلر کابل شهری نینگ یېتّینچی ناحیهسیدن تاپیلگنی و مصادره قیلینگنی بیلدیریلدی.
ایچکی ایشلر وزیرلیگینینگ قۉشیمچه قیلیشیچه، اوشبو ایش بیلن باغلیق بیر کیشی حبسگه آلینگن، و دستلبکی تېرگاودن سۉنگ بو شخص طالبلر گروهی حقوقی محکمهسیگه تاپشیریلهدی.
طالبلر بوندن آلدین هم گیاهوندلیک تابلتلرینی ساتیب-آلگن و ساتگن شخصلرنینگ حبسگه آلینگنی حقیده بیر نېچه بار خبر بېرگن.
شونینگدېک، بو گروه بیر نېچه مرته عامه آلدیده شوندهی تابلتلرنی ساتیش و ساتیب آلیشده عیبلنگن شخصلرنی شلاقلهگن اېدی.
