کونیکېچه تورکیهنینگ پایتختی انقره شهریده ۲۹- میزان اۉزبېک تیلینینگ ملی کونی طنطنهلی بیر مراسم اویوشتیریلیشی بیلن نشانلندی.
اوشبو مراسمده اۉرتاق مملکت تورکیه پارلمانینینگ بعضی وکیللری، گازی انقره بیلیم یورتینینگ بیر قنچه استادلری، سیاستچیلر، خاتین – قیزلر، فرهنگیلر، یازوچیلری همده مدنی فعاللر اشتراک اېتگن اېدیلر.
مراسمده چیقیش قیلیب نطق سۉزلهگنلر، اۉزبېک تیلینینگ ملی کونی مناسبتی بیلن افغانستان قۉشیمچه ایریم مملکتلرده فرهنگی و مدنی برنامهلر اۉتکزیلیشینینگ اهمیتی و بو محفللرنینگ تیل، فرهنگ و مدنیت اۉسیشی اوچون نهایت ثمرهلی تاثیر بارلیگنی دېب تیلگه آلدیلر.
محفلده سۉزلهگنلر اۉزبېک تیلینینگ اۉتگن تاریخی و بوگونگی کوندهگی وضعیتی تۉغریسیده باتفصیل گپیریب، اونی سقلش و رواجلنتیریشنینگ اهمیتی اوستیده علحیده تاکیدلهدیلر.
شونینگدېک سۉزگه چیقّنلرنینگ ایریملری دولت ادارهلری قاله ویرسه جوزجان بیلیم یورتی کبی بیلیم درگاهی لوحهسیدن اۉزبېکچه یازوو آلیب تشلهنیشی قتّیق قارهلب، بوندهی سیاستلر بیلن افغانستان تورکلرینی مدني و اجتماعي حیاتدن چېتلهتیب بۉلمسلیگینی تیلگه آلدیلر.
عین حالده اولر، دولت ادارهلری اینیقسه بیلیم درگاهلریدن اۉزبېکچه لوحهلر و باشقه یازوولرنینگ اتهین یۉق اېتیلیشی افغانستانده یشاوچی خلقلر اۉرتهسیدهگی موجود بیرلیک و بیردملیک فضاسیگه سلبی تاثیر تشلهیدی دېب علیحده اورغولهدیلر.
مذکور محفل جریانیده اۉزبېک خلقیگه تېگیشلی تورلی خیل آوقتلر، اوی بویوملری، کییم – کیچیکلری و باشقه صنعتی اثرلر کۉرستووگه قۉییلدی.
