طالباننینگ بادغیش ولایتی امنيه قوماندانلیگینینگ معلوم قیلیشیچه، بالامرغاب اولسواللیگیده اوروشدن قالگن ماین پارتلشی عاقبتیده اوچ باله قربان بۉلگن.
قوماندانلیکنینگ خبریگه کۉره، پارتلش پنجشنبه کونی (۲۲ عقرب) کېچقورون «قوروتو» منطقهسیده یوز بېرگن.
معلوم قیلینیشیچه، اوچ باله چاروا هَیدهش وقتیده یېرده یاتگن بیر مایننی تاپیب، او بیلن اۉینهگن و شونده پارتلش یوز بېرگن.
بادغیسدهگی طالبان امنيه قوماندانلیگی نینگ ایتیشیچه، پارتلش نتیجهسیده اوچهله باله وفات اېتگن.
اۉتگن هفته هم بالامرغاب اولسواللیگیگه قرهشلی «پنیرک» قیشلاغیده شونگه اۉخشش پارتلشده ینه ایکّی باله هلاک بۉلگن اېدی.
افغانستانده اۉتگن بیر نېچه اۉن ییللیک اوروشلر سببلی مملکتنینگ اَیریم حدودلری ماینلر و اوروشدن قالگن اۉق-داریلر بیلن افلاسلنگن.
طالبان حساب کتابی بۉییچه، مملکت نینگ تخمینا بیر مینگ۱۵۰ کیلو متر میدانی ماین و پارتلاوچی مادّهلر بیلن ضررلنگن.
بیرلشگن ملتلر تشکیلاتی معلوماتیگه کۉره، افغانستانده۳ میلیون۳۰۰ مینگ کیشی ماین و پارتلاوچی مادّهلر بیلن افلاسلنگن حدودلردن بیر کیلومتر شعاعسیده یشهیدی.
