پاکستان ایچکی ایشلر وزیری محسن نقوی، سۉنگگی کونلرده اسلام آباد و جَنوبي وزیریستان حدودلریده صادر بۉلگن هجوملرنینگ عامللر افغانستان وطنداشی بۉلگنینی معلوم قیلدی.
دان گزېتهسینینگ خبریگه کۉره، وزیر بو سۉزلرنی بوگون (پنجشنبه، ۲۲ عقرب) پاکستان سنا مجلسیده ایتگن.
او شونینگدېک، «افغانستان وطنداشی بو یېرگه کېلیب، بیزگه هجوم قیلهیاتگنلیگی سببلی، وضعیت بیز اوچون جوده قیینلشدی» دېگن.
نقوینینگ قۉشیمچه قیلیشیچه، اولر بوندهی هجوملرگه قرشی بار امکانیتلرینی ایشگه سالهدی.
اوشبو هفته، سهشنبه کونی، اسلام آباددهگی محلي محکمه بناسی تشقریسیده پارتلش صادر بۉلدی: ۱۲ کیشی اۉلیب، ۲۷ کیشی یرهلندی.
پاکستان عامهوي اخبارات واسطهلرینینگ خبر بېریشیچه، هجومچی دستلب جی ۱۱حدودیدهگی محکمه گه کیریشگه اوریندی، اما موفقیتسیز بۉلیب، تشقریدهگی پولیس موتریگه هجوم قیلگن.
بوندن بیر کون آلدین اېسه، هجومچیلر جَنوبي وزیریستان حربي کالجده باستیریب کیریب، ۳ کیشینی اۉلدیرگن.
راولپندی تروریزمگه قرشی کورهش پولیسی، حاضرگچه اسلام آباددهگی هجوم بیلن باغلیق ۷ شبههلی شخص حبسگه آلینگن.
بو هجومدن سۉنگ، پاکستان مدافعه وزیری خواجه محمد آصف، «بیز اوروش حالتیدهمیز، افغانستان طالبانلری حاضر اوروشنی اسلام آبادگه کۉچیریشدی.» دېب تیلگه آلگن اېدی.
