طالباننینگ بلخ ولایتیدهگی والی ادارهسی، اۉزبېکستان و افغانستان اۉرتهسیده قۉشمه شرطنامه امضالنگن. اوشبو شرطنامهگه کۉره، افغانستاننینگ ایکّینچیلیک محصولاتلری اۉزبېکستان آرقهلی هوا یۉللری بیلن دنیا بازارلریگه یېتکزیلهدی.
بلخدهگی طالبان حاکمینینگ سۉزلاوچیسی عطاءالله زید بوگون (پنجشنبه، ۲۲ عقرب) ایکس اجتماعي ترماغیده یازیشیچه، اوشبو شرطنامه اساسیده انار، خرما، سبزوات و باشقه موسمي مېوهلر اۉزبېکستان هوا یۉللری آرقهلی مرکزي آسیا، جَنوبي آسیا، اروپا دولتلری و اۉزبېکستان ایچکی بازارلریگه یېتکزیلهدی.
او شونینگدېک تجاري شرطنامهلر هم عملده امضالنگن دېب قۉشیمچه قیلدی.
شونینگدېک طالبلرنینگ بلخ ولایتی والیسی سۉزلاوچیسی، افغانستاننینگ اَیریم تجارلری بیلن گۉشت صادراتی بۉییچه هم کېلیشوولرگه اېریشیلگنینی و بو جریان عملده باشلنگنینی بیلدیرگن.
معلوم قیلینیشیچه، اوشبو یۉل افغانستانلیک تجارلر اوچون مقابل و ثمرهلی ترانزیت یۉلی صفتیده شکللنتیریلیشی کۉزده توتیلماقده.
بو آرهده، طالبان باش وزیرینینگ اقتصادي اۉرینباسری عبدالغنی برادر تیناوون افغانستان تجارلری و صناعتچیلریگه پاکستان یۉللرینینگ مقابل تنلاوینی تنلشنی توصیه قیلگن اېدی.
او چېگرهلر یاپیق بۉلگنی سببلی، بو یۉلنینگ هم تجارلرگه ضرر یېتکزگنی و بازارلرگه همده اهالیگه قیینچیلیکلر توغدیرگنینی قید اېتگن.
