فارياب و کنر ولایتلریده ایکّی ترافیک حادثهسی نتیجهسیده آلتی کیشی، جملهدن ایکّی نفر طالبان اعضاسی وفات اېتگن، ایکّی کیشی اېسه یرهلنگن.
فاريابدهگی طالبان امنیه قوماندانلیگی، چهارشنبه، ۲۱ عقرب کونی میمنه-شبرغان یۉلیده یوز بېرگن تصادمده تۉرت کیشی هلاک بۉلگنینی تصدیقلهگن.
اوشبو حادثه «ویتس» روسوملی موتر یوک تاشیوچی موتر بیلن تۉقنهشگن و نتیجهده «ویتس»دهگی تۉرت یۉلاوچی وفات اېتگن.
قوماندانلیک معلوماتیگه کۉره، «ویتس» اندخوی اولسواللیگیدن میمنه شهریگه قرهب حرکت ده بۉلگن ده دولت آباد اولسواللیگی «جنگل» منطقهسیده یوک موتری بیلن تۉقنهشگن.
شونینگدېک، کنر ولایتیدهگی محلي منبعلر خبریگه کۉره، «منوری» اولسواللیگیده طالبان اعضالرینی مینیلگن رنجر موتری اغدریلیشی نتیجهسیده ایکّی طالبان اعضاسی وفات اېتگن، ینه ایکّی کیشی جراحت آلگن.
بو حادثه تیناوون توشدن کېین «بلورو» قیشلاغیده یوز بېرگن.
جراحت آلگنلر شفاخانهلرگه یېتکزیلگن.
حاضرگچه کنر ولایتیدهگی طالبان مسووللری بو حادثه بۉییچه ایضاح بېرمهگن.
ایتیش کېرهک که آلدین هم تورلی ولایتلرده طالبان اعضالرینی تشياتگن موترلرنینگ اغدریلیشی حقیده کۉپلب خبرلر بېریلگن اېدی. کۉپچیلیک حادثهلر نینگ سببی هیداوچیلرنینگ احتیاطسیزلیگی و آرتیقچه تېزلیک صفتیده کۉرستیلماقده.
