افغانستان سابق جمهور رییسی حامد کرزی، «خلق ارا تینچلیک و ترقیات بیلیم کونی» مناسبتی بیلن مکتبلر و بیلیم یورتلریرعلاجی باریچه تېزراق قیزلر اوچون آچیلیشینی ینه بیر بار امید قیلدی.
جناب کرزی بوگون (دوشنبه، ۱۹ عقرب) ایکس اجتماعی ترماغیده یازگن مطلب ده «افغانستان باشقه جمعیتلر کبی علم و بیلیمگه محتاج دیر و فقط شونده او معمالرنی یېنگیب اۉتیشی و ترقیات همده اۉز-اۉزیگه یېتیشیش درجهسیگه اېریشیشی ممکن، عمومي تعلیم و اۉقیش اوچون ضرور شرایطلر یرهتیلیشی کېرهک دېگن.»
او قیزلر و اۉغیل بالهلرنی هر قندهی واسطه و امکانیتدن فایدهلنیب، علم و بیلیم آلیشگه چقیردی، شونده افغانستان اۉز فرزندلرینینگ بیلیمدانلیگی و محنتی آرقلی برقرار تینچلیک و رواجلنیشگه اېریشهدی.
کرزینینگ بو قبیل گپلری شوندهی بیر پیتده اظهار قیلینماقده، طالبان افغانستانده ینه حاکمیتگه کېلگچ، آلتینچی صنفدن یوقاری قیزلرنی اۉقیتیشنی منع قیلگن. اوشبو قرار ایکّی یریم میلیوندن آرتیق قیزنی مکتب و بیلیم یورتلریگه باریشدن محروم اېتگن.
طالبان حتی قیزلرنینگ طبیات انستیتوتلریده تحصیل آلیشینی هم منع قیلدی و حاضرگچه قیزلر اوچون تعلیم مرکزلرینی آچیش بۉییچه ایچکی و خلق ارا ایستکلرگه جواب بېرمهدی.
